(..( ولا سعودي فلح وشلون؟؟؟؟ )..)

بسم الله الرحمن الرحيم


سلام ٌ عليكم


قصيده تقدّم نفسها ولاتعبّر عنها المقدمه


هي مجرد امنيه وتذكير وملاحظات شخصيه ودائماً (وجهة النظر الشخصيه تحتمل الصواب والخطأ)






[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جميع شعب الخليج اخوان=بالدين ..والدم ..والمضمون

بلد ..ومتفرّع لبلدان=ماهو بهالوقت قبل قرون

صحيح لو تكثر السكّان=في ديره..وديره يقلّون

والا المساحات بالاوطان=مثل السعوديه وتدرون!!

قبل زمن نسمة الانسان=وصلت لتسعة عشر مليون

هذا الحكي..كان قبل ازمان=هالحين اجل عاد .. كم بيكون؟؟

ولاهيب بالزود والنقصان=لكن ..كذا حطوا القانون

لو ثمنهم عزّموا في شان=يصير مطلوبهم مضمون

مادام ماهي على القيفان=موزون..والا مهو موزون

والصوت هو فارس الميدان=ولا سعودي فلح وشلون؟؟.!!!

ماهو تعصّب ولاحقران=لكن لنا ذايقه.. وعيون

(الشبرمي) ..شاعر ٍ بطران=مبدع ويستاهل المليون

لكن..(هلال) ..و ..(خلف مشعان)=(والحربي ).. و..(ناصر الفرعون)

و..(عيضه)..و..(شعّارنا العتبان)=اذا ماهم فوق ..ماهم دون

وضحت..وكل المخبّى بان=غلطت ياشاعر المليون[/poem]




* ملاحظه:

(ناصر الفرعون) ليس المقصود بالفرعون نسباً لاسم الشاعر وانما من القاب الشاعر (فرعون الشعر)