غالي ويستاهل !!!

الله على اللـي قيمتـه ربـع مليـون
جيب ٍ جديد مـن الجيـوب الجديـده
غالـي ويستاهـل علـى مايقولـون
وهذي السنـه يمكـن وكيلـه يزيـده
مـن وارد اليابـان منتـج ومامـون
واليوم شايـف صورتـه فالجريـده
ابـداع فالتصميـم والشكـل واللـون
فريـد نوعـه والمـزايـا فـريـده
شاشـه وكاميـرات مثـل التلفـزون
تكشـف لسواقـه مـزايـا عـديـده
وامثبتـه علامـتـه فالدركـسـون
تشبـه لـدوار ٍ بمـدخـل بـريـده
حرف ال يعني جيب لكزس ومضمون
مايشتريـه اللـي قليـل ٍ رصـيـده
هو منـوة اللـي للفخامـه يعشقـون
وناوين به طـوي الفيافـي البعيـده
والا ليا شافوا لهـم بـرق ومـزون
وعن الحيـا جاهـم علـوم ٍ اكيـده
وتواعـدوا علـى السفـر بالتليفـون
ومن طيبهم دايـم والاريـاء سديـده
عن ضيقة الخاطر ليالـي يسجـون
وكلـن مجهـز للمسافـه قصـيـده
ايقصرون البعـد بطـروق ولحـون
واللي يغنـي البيـت واللـي يعيـده
اما على طرق ٍمغنيـه ابـن عـون
والا لبـن جـدلان راعـي النشيـده
هذي طـراة العمـر ياللـي تمنـون
وكـم واحـد ٍهـذي مناتـه وعيـده
وباقي الحياه احلام وامـال وضنـون
وانا اعتبرها اعـراب جملـه مفيـده
دنيـاً تناطحنـا بـلا راس وقـرون
وحنَـا نقابلهـا بــروس ٍ عنـيـده
احد ٍ يصارعها مـن الالـف للنـون
واحـد ٍ مقيدتـه واحـد فـك قيـده
دام الاجل مكتوب فالرزق مضمـون
والادمـي قانـص والارزاق صيـده
والنـاس لـو يبنـون والا يـهـدون
ماقاومـوا صفـق الريـاح الشديـده
ولو للردي مال ٍ مثل مـال قـارون
روحه ماهي مـن ثروتـه مستفيـده
ان مات مات بذل وان عاش مغبـون
لامـوت عـز ولا حيـاة ٍ سعـيـده
واهـل العقـول الواعيـه مايغـرون
ويجهل بها اصحاب العقـول البليـده
يالله هونهـا علـى القلـب وتهـون
ياخالـق ٍ خلـقـه ورازق عبـيـده
صار ال زبيده راي في عهد هارون
ولـولا الخليفـه وش تعـود زبيـده
ولو مصر ماتحزن على موت فرعون
مالـوّح السـادات للشعـب بـيـده



ابداع ابداع يامحمد

وصف وجزاله وحكمه ولاغرابه عليك يامبدع