لا ساقها للخطأ خبلٍ ومتعافي

السلام عليكم ورحمة الله وبركاته



[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا ساقها للخطأ خبلٍ ومتعافي=الصمت عنها لوجه النذل تشويهي
حقران هرج الردي وسط العرب كافي=وتردد الهرج له غايه وترفيهي
والله رب العباد الكافي الوافي=لولا الزلل لا الحق الغاوي مشاريهي
لا ابهظ كنين الخفى بالهرج والقافي=لاكن كفاني عن التوضيح تنويهي
ماني على مجادل الغاوين متشافي=الكون مليان عقال ومسافيهي
الله خلق لي عن الضيقات محرافي=افجوجٍ اوسع من اوساع التهاتيهي
عما يكدر على النفس اطوي اللحافي=واضرب جنب دو..قفرات المهاميهي
فوق ادهماً لا نتلته يوهف اوهافي=بولاية البيت الابيض حافه البيهي
مع النوازي ينود وله تغريافي=يشبه ضحاح الضحى من دون تشبيهي
بقفريةٍ مابها من الناس وقافي=فيها لقلب الشقى متعه وتنزيهي
وان علها من صدوق الوسم وكافي=واسترجعت واخضرت جرد الرهاريهي
ثنيت رجلي بها واعتقت مشرافي=وارتاح بالي وكسرت المناويهي
يطيب لي في مغب الروض ميقافي=والعشب له مع ضحاح الضوح تمويهي
في محجرٍ به جميع النبت متوافي=مع نقوتاً بالوفى مالهم مشابيهي
وافين بااسمى المراجل والله الوافي=وجهم اللي خلقهم خير توجيهي
هذا هوا خافقي ومناي واهدافي=لاطاب وسط البلد جو..المباليهي[/poem]