وداعيتي لقصيد الغزل

[align=justify]السلام عليكم ورحمة الله وبركاته


غبت وشبت وتبت وتعبت

وكتبت ها المهبولة وقلت يمكنها تعذّرني لا حضرت أبها
الا أعذروني أنتم

لكم تقديري [/align]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

حب الشرف يا بنت الك يرفع الراس= وأنا بحبك لشرف فوق راسي
يا بنت يكفيني من القلب الاحساس=واحساسك القطر الكبير الاساسي
أنتي دواء قلبٍ عليه الدهر هاس= وأنتي نظر عيني ودلة عماسي
يا بنت كا ن الناس حبت فلا باس =بس إن حبي لك ورقمه قياسي
ياجاهلين اسراره الحب نبراس =ولا للقلوب الميته به كراسي
أنا كراسي مهجة الجوف يباس =علي منه من الهموم الشراسي
لا ذعذعت من يمه عصير نسناس =ريح الهبوب اللي تزفه طراسي
ليا كني اشهق ريح مجلي اللعاس= لجة رسايلنا تجينا تواسي
يبكي علي ادري وضمّرة يباس=وأنا عليه أبكي بكاً مايقاسي
لا ياوجودي والهوى الود مقباس=لشاعر اللي للهوى به حساسي
ياكثر حس أمتيهي خدر الانعاس =وحساس همِِ فالضمير متراسي
عليك مني يا تلع الجيد نو ماس=وتراك مابين الضلوع متواسي
لك مجلسٍ ما يجلسه كل جلاس=ومجلسك في قلبي لقو إدراسي
مد النظر مجلا سكم بين الاقواس=يابو عيونٍ سود نجلٍ خراسي
وغديت في بحرٍٍ الهوىالود غطاس=ويا لجتي لن كأن طول غطاسي
أثر الهوى لو هو على كبد قرطاس=والموت ودٍ ما يجيله مراسي
عليه من دونه اليا شفت الاعراس =الكبد كن محذيتها مواسي
اليا ذكرت حلاه وجلاه والطاس =رما نتينن كنهن با المقاسي
مثل الفناجيل أبحضن قدم بقياس= فز النحر منهن وهنه سواسي
روس الثمر ما طققوها للفلاس=عفيفةٍ عن زرعها للفلاسي
زرعٍ بزغ توة على طلعة أقباس= دوبه قبس دوارته في التباسي
فعلو صدرٍ لو يقيسونه قياس=يا خذ من المتر اكثرة با المقاسي
نورة بياضٍ وكل شيٍ بمقياس= ينزع من القطن اجودة ومتراسي
عليه عقد اللولو الخالص أحساس=أحساس صدره لجتي وأنحباسي
أدري قطعت أوصوفها با سها باس=قلبي غدا به هرجها يا يبا سي
عذية الهرجه عليه بالاهماس=همس القلوب اللي بليا مراسي
هذا يوديني عن الوصف ما باس= عليك يا قلبي وعيني وناسي
يابو لبابت قلب قلبي من الراس= ليلٍ تجرينه ظلامٍ دمااسي
والعنق عنق مذير الريم لا راس =والا أبلج ضارٍ على الافتراسي
في كف نايف ضارين بتمراس =يشهر طلع من طول عنقه نطاسي
يا بنت متنا ماهتنينا بالانفاس = يا بنت بنفاسك يعيش الرياسي [/poem]
[align=justify]
أخوكم

العود أبو الحكايا[/align]