في ديرة عفيف

هذه القصيدة رداً على قصيدة الدكتور الشاعر/ عبدالكريم بن عبدالله الحربي
مدير شرطة عفيف سابقاً .. عندما كتب قصيدته التي وادع فيها أهل عفيف عند نقله
وقصيدته والله ماتحضرني




قبل مدة جيتنا ضيف في ديـرة عفيـف ** لو كلمة ضيـف غلظـة ولا ودي بهـا
بس هذي كلمتك والتواضع لك حليـف ** يا كريم الخلق عشرتك مـن يصخيبهـا
جيتنا والدار عميـا ونظرتهـا كفيـف ** ورحت عنها بعد شافت وجبت اذهيبهـا
في رحيلك جرح للدار وفراقك نزيـف ** لا تحسـب إن الغـلا كلمـة نحكيبهـا
في الشدايد فيك نخوة وتفكيرك نظيـف ** وين ما ضاعت حقوق الضعيف اتجيبها
وفالشدايد تاخذ الحق رغم أنف العنيـف ** وغير قول الحق الأذنين مـا تصغيبهـا
وفالرخا طلق المحيا ولـك دم ٍ خفيـف ** ولو غلط جاهل بكلمة عليـك اتسيبهـا
لك مع أهل الدار مقدار ما جاله وصيف ** رحت عنا غصـب والطيّبـه تحريبهـا
ذكرياتك خالده غرس في راس المنيف **شجرة باعلى الجبل والهـواء يوميبهـا

واعذرونا على القصور فالقصيد والتواجد تراني ماجلس فالديره يومين على بعضها نروح نتمشى ومقانيص والله يجملنا معكم