الليل طوّول والمسااااافه سراميد ؛

يسعد كل اوقاتكم اهل المرقاب الاعزاء ..
جديده وقد تشرفت بنشرها بمجلة المرقاب العدد الاخير ..
وهنا القصيدة صوتية بعد تسجيلها في احد الاستديوهات الرقمية ..
[rams]http://www.almugatah.com/vb/uploaded/216_01205870232.mp3 [/rams]

للتحميل
--[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الليل طوّل .. والمسافه سراميد = والحزن ركـــّــب .. والمشاعر جريحه
والعيد لو قالوا ترى بكره العيد =ماهمني .. دام السعاده شحيحه
ياسيدي قد قلتهالك تراديد=واعيدهالك وبعباره صريحه
الحب مرتبْــط ٍ بصدق المواعيد =وانا وعودي بالمحبه صحيحه
جيتك وله .. والشوق في قلبي يزيد=احب قطف الورد واحب ريحه
واكّد مواثيقي بسلم الاجاويد=مشاعري لك كل هاجس تبيحه
في واقع ٍ ملموس ياناسع الجيد=ترجمة احاسيسي بنبض القريحه
دخلت عالم حبك بكل تأكيد=واسقيت شجرة زعفرانه .. وشيحه
لو صار في وجه الليالي تجاعيد=مامات حبك لجل اشيّـد ضريحه
عليك اخاف من الحَـسَـد والتناكيد=خايف يجي برج آخر الحلم طيحه
واخـْــفي غلاك عن الحكي والمناقيد=واخفـّــي اسمك في رموز الشريحه
الحرص واجب والمصايب سراميد=وش عاد لو قلت ارض ربي فسيحه
|
|

عبدالعزيزالمرشدي[/poem]