خطاك السو

بعد طول غيااب حبيت اصافحكم بهذه المتواضعه جدااا

وهي رد على قصيدة أبو غلا

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه يوم شبيت السهر للشموع = ماشلت هم الليال البيض مع سودها
ولاشكيت القهر ولا ذرفت الدموع = ولا قدحت إل فتايل ظيمي زنودها
مرسي على جال تفكيري بمركا وكوع= وافرسبحت قلق ذاتي ومجهودها
إلا إن بين الحنايا هاجسٍ له سبوع =وليل نده للقوافي جاته جهودها
بنات فكري وعندي في اللّوازم خضوع =حبات لولو ومنظومات في عقودها
وان كان شعري ما يخدمني نهار الجموع = لا بو القصايد ولا بو واحد يعودها
من نجد حي الجواب و حي حلو الطبوع = الصاحب اللي ملك صيته ومفرودها
اقلط على الكيف والمقها وحلو القدوع= دوك الدلال المباهير وكرم جودها
لا يا خويّي خطاك السو وارقى طلوع = ما تلحقك شرهة الجاهل ومنقودها
وان كان قلبك حداه البين... خلّك قنوع = بإن الليالي محد مدته من فودها
ولا تشيل العنا ولا تظلي فزوع=حتى ايش لو طق راس العود مع عودها
واللي تروّح لا ترجي من وراها رجوع = وألاّ ماشفت الجنايز تسكن لحودها
والطلقه الطايشه لن ما أدوشت ماتروع = لو كانك أروحت صفرتها وبارودها
والأصل ثابت ولو تمايلن الفروع =يستر على الحبه اللي مال عنقودها
والوقت ما أروى عطش ضامي ولا سد جوع = يا مكثر فجوج الأرض ومكثر اعدودها
والبارحه يوم طفيت السهر والشموع= ما شلت هم الليال البيض مع سودها [/poem] ودمتم لي