منبر الشعر

السلام عليكم

مواهبيه طرت وجرت :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

يا منبر الشعر مصيون=عن مكثرين الصياحي
لا زلت بالودّ ممنون=مع كل خافق جناحي
شقرٌ تعلّت على الكون=ترقب جميع النواحي
يجيرها الله من الدون=لو غيرها ساح باحي
والشعر هذا من قرون=عدٍ زلال ٍ قراحي
ومع ان ّ عصر ابن لعبون=ماهوب عصر انفتاحي
تسعينٍ بيت ٍ على أون=وتسعين بيت ٍ على آحي
بيوتٍ ظهورٍ وبطون=ما بين حيل ولقاحي
واللي معه راس وقرون=يكسر قرون الوضاحي
ما باح للشعر مكنون=في نعمةٍ وارتياحي
ميراثهم عند ابن عون=والأكلبي والرياحي
واليوم خدمة فودافون=والبرق من شرق لاحي
لكن ترى مقعد الهون=ماهوب مقعد سياحي
في كل شهرين مليون=وربحت يابو رباحي
خلاص مضمون مضمون=أصبحت طير ٍ فلاحي
طاروبك أهل التلفزون=ثم لبّسوك الوشاحي
وخلوك نفاخ بالون=في كل حزم ٍ براحي
الوضع من دون في دون=يا غبن عيني وأنا..حي
نصف القنوات مالون=يا لاح لاحي ياماحي
قصائد أفلام كرتون=شف عرضها مستباحي
وقليّل اللي يعدّون=هجاد والا صباحي
قدمت للشعر عربون=من جد ماهو مزاحي
هذا وانا اعرف من آكون=لا ثار ثاير سلاحي
مجنون مانيب مجنون=لو كان مانيب صاحي[/poem]