صوت الالحاح !

مشاركه بسيطه لتجديد ولاء الحب ., وعمر الوفاء ., مع المواهب .,



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياربّة الحسن معك الحسن فضّـاح=في الروح سرّه .. وفي القدّ اتضاحه
ان كان للحسن فيما يذكـر وشـاح =اختصّك الله عن النـاس بوشاحـه
غمامتـه فـي جبينـك برقهـا لاح= وارواك من عذبه .. وطالك قراحـه
ياروحي اللي عليهـا خاطـري راح= يمنح لها في الضلوع اغلى مساحه
قفلت قلبـي علـى حبـك بمفتـاح = واقسمت ما احرّره .. واطلق سراحه
الصد لو طال .. عمر العشق ماطاح =تغريبة الصـد .. ماتفـرد جناحـه
لو غيبتك موجعه ما تحسب سـلاح = لاني محارب ..ولاهيـب استراحـه
ومكانتك في عيوني صعـب تنـزاح =ماتقبل الزعزعه .. قبـل الازاحـه
واللي ورى البال يقتل صمت الارواح = ويراود الفكر للبوح بفصاحه
وانا على ما بلغني منك واجتاح = مشاعري .. في مساء البين .. وصباحه
اثلجّت صدر الشعور ..وصوت الالحاح = من عادتي ما اخذله.. واكبح جماحه
دفعني الواقـع وحبيّـت الافصـاح =عن ماتكنّ المعاليـق بصراحـه :-
الخوف ما ينخلق في قلـب مرتـاح =والحـب مايستقيـم بغيـر راحـه
والشوق لو ماتكفّل بأمر الاصلاح = عرّض نظام المحبه للإطاحه ![/poem]