ألفية بن عمار

السلام عليكم و رحمة الله و بركاته
هذه قصيدة الألفية للشاعر المرحوم / محمد بن عمار قالها عام 1340هـ

من أجمل الألفيات في الأدب الشعبي

اتركم مع ألألفيـه


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
أ لفٍ أ ولف من كـلام ِ نظيفـي = ودموع عيني فوق خدي ذريفـي
من لام في حب الحبيّب وليفـــي = دقـاق رمش العين سيد الخونـدات
خوندات ياللي ما بعد عاشرنـه = قـلـّه تراهن في الهوى يذبحنــــــه
قلبي وقلبك من عروقه خذنــه = عزي لمن مثلي تعرض للآ فـــات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الباء بليت بحب خلي علــى ماش = ولاحصل لي منه ما يبرد الجــــاش
غديت أنا وإياه طاســه ومنقاش = بالوصف كني يالمعزي سلامــات
سلامات للذي هم يذكرونـــــه = يبي السلامة منه وهي المعونــــه
يقول طيب مير غارت عيونـــه = سبب ولدكم واحدٍ صابه ومــــات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
التاء تليت الزين والزين مقفــي = أمشي وحتفي ناقله فوق كتفــي
لاشفت مجدول وكتـــفٍ ورد في = ماقوى التفت لو طوحولي بالاصــوات
أصوات وإن قالواهبيل ٍ وسايح = طرد المقفي يالمشقى فضايــــح
قلت إيه مير أشواركم والنصايح = مثل المطر فوق السحال المكفــات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الثاء ثمانه حب رمان طايـــف = أو قحويان ٍفي رياض ٍعطايـف
متنقلٍ بالزين سيد العفايــــــف = عمهوجة ٍفيها من الحورشـارات
شارات فيها من ظبي الحمادي = هي لـذة الدنيـا وغاية مـــــرادي
من يوم قفا صاحبي من بلادي = عليه جاوبت الحمامة بالاصـوات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الجيم جاني من عشيري كلامي = ولا لـفـيـنـا من يرد الــســـلام ِ
عليه زرع القلب هايف وظامـي = مالي جدا كود البكاء والتنهات
أنهت على ما فاتني في زمانـي = يـوم الحـبـيّـب زارني فـي مكاني
وراي ماخذت القضاء يوم جاني = توي دريت البيض فيهن غـرّات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحاء حليّه في الوطن ما لقيتـه = عذلت قلبي عنه ولا قويته
وهولو يذكـر يم *مسكه نصيتـه = أنصاه لو دونه بحـورومسافات
مسافات لوهي في بحورالظلامي = أووسط بتـّيل ٍ* حداه الولامي
وإذاحصل شف وبلوغ المــرامي = صبرت لو طبيت بحر الظلامات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الخاء خليلي صار عندي قـــريبي = جعلي نصيب ٍله وهو من نصيبي
ودي نواجه نور عيني حبيبــــــي = مار الوحيد لهيد ما فيه نوهــات
نوهات نوهات ٍغـدت من غثا البال = طول النهارمسِيم عمّال بطـّال
وأنا أترجى كل حول ٍ إلى حــال = دنياك هذي ياريش العين نشبات[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الدال دامي ما مسكت الذوايــب = لـوقيـل طيب قـلت ما نيب طايب
دنـّوا أستاد القبرأدنوا النصايب = ودنـّو دواة الحبر نكتب سجـلات
سجلات أريد أكتب بها لي وصيّه = عمري قضى يا وجد أهيّـلي عليّه
قولو لصافي اللون ياقف عليـــّه = أغـديه يرجع وايتحّسف بما فـات [/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الذال ذا لي عـنه مـدة ليــــالي = لوقـيل طـيب قـلت أنا أبخص بحالي
والله مايطري علي شف بالـي = إلا أنت يا راعي الثمان الرهيفـات
رهيفات فـيها للمشقى طرابـه = مجمول مدلول ٍ ولا به طنابــــه
هنـــي من يـدخــل في ثيابــه = وأسـّج أنا ويـّاه في العمر سجـّـات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الراء ردوف صويحبي ثقـّـلـنـه = ونهود للثوب الحمر شلـّعـنه
ومثومن ٍ ماأحلى بياضه ودنـّه = من فوق جسم ٍ فيه من عرق الأرطات
أرطات غرمول ٍ ذرته الـذواري = والله لولا ني على الـترف أداري
لأضوي عليها مثل ذيب الغـداري = جايع وفي ا لـغـابه عياله مجيعات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الزاء زماني شفت منه الهوايـل = لاعاد حظي فـي الغنادير مـايل
الزين لـــو نترك قصير ٍ وطايل = لاشك وين العقل هيهات هيهات
هيهات لوفي العـقـل يا ديـب لبّه = ما كان يتبع واحد ما يحبـه
ليصار قـولي لــه خـريـطٍ بدبـّـه = وش لك بشوفه يالعيون المشقـات[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
السين سـقـنـامن الدراهم وعـيّـا = واللي نبي من صاحبي مـا تهيّا
يـقـول والله لـو تـحـب الثريــّــا = خذني على السنة تشوف الطرابات
طرابات ينسنك جميع الــدروبي = غـد يك في باقي حياتك تتــوبي
وأودع مقرك بين جلدي وثوبي = وتشوف فرق البيض فيهن لـذات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الشين شاب الرأس ياعذب الأ نياب = واللي بطاري توبة ٍكان قدتاب
لي حاجةٍ يا زين بـس إفـتـح الباب = يرحمني اللي عالـم ٍ بالخـفـيّات
يرحمني إني فيك يازين مفتـون = من حبك أسهر والخلايق ينامــون
الهيتني عن مذهـب اللي يصلون = ما عاد أميّـز لو قـرآن التحيات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الصاد صيدي يوم ألاوي غريمي = شفق ٍعلي الحبّه ولمس البريمي
مهوب صيدي قلةٍ في الحريــمي = لا شك كل ٍله مع الناس مشهــات
مشهاتي أنته ياظبيّ الفريــدي = حب العرب ينقص وحبك يزيـــدي
لا شفت زولك ذاك هو يوم عيدي = تصبح بساتين الضماير مريفـات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الضاد ضد ٍ حال بيني وبينـه = يـقـول هـذا واحـد ٍلا تـبـيـنــه
جعل الوجع يشقيه في صبيّ عينه = يسهرولا يمرح من الليل ساعات
ساعات جعله ما يشوف الجــدارا = ولايعرف الليل هو والنهــــــــارا
وعساه يوم البعث يحشر حمــارا = ويحمّـلونه حمل الأسراف سيئــات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الطاء طويت الياس والسد باحـي = وما عاد لي شفٍ بظبّي الضواحي
ياعـلـها هـفـّت خفـوق الجناحي = اللي سبوقه فوق رجله مطــوّات
مطوّات وطار في يوم هـبــــّــه = راعيه لو رز اللواء ما ينبـــّــــــــه
طيرٍ قضيب أو الحباري غدت بـه = يبي العشاء من بين فخـذٍ وثنـّدات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الظاء ظمانه لا تعـاشرلك إثنيـن = لازم تخلىّ عشرتـك يامسيكيـن
ما خبر يجمع في المرابط حصانين = يجي لها هز ٍودز ٍوصقـلات
صقلات يصقلها إلى أ دنوا طعامـه = يجي لها مع المعيشه بحامه
إسمع كلا مي يالهـبـيـل الـفـدامــه = إلى جمعت الحصن فالحصن خطـرات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
العين عـمـّن ينقـل الهـرج حذرا ك = تراك كـنـك ناقـل ٍداك بــرداك
وإلى سمع له هرجة ٍ مـن حكاياك = يحطها كبر القصـور المبنـّات
مبنـّاة مبنـّاة كبر خشم الغرابـــه = ويكدّر المشروب عقب الطرابـه
وهـو يشابه بومة ٍ في خرابــــه = لا ناقل الهرجـه ولا كفو هرجات[/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الغين غاب العـقـل بأول شبابـــي = وأدميت من تلعات الأرقاب نابي
واليوم شاب الرأس والكيف طابي = ماني على الفايت كثير الحسوفات
حسوفات لاتحزن على اللي مضى منك = أيضاً ولاتفرح على اللي يجي منك
ماأدراك وش موجب سبب صدته عنك = ناهيك والي العرش رب السموات [/poem]



[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الفاء فـؤاد ك لا تـولـيـّه حـسـّاد = وإحذر يجي لك مع هل الشر مقعـاد
إهرج وكنك عن جميع العـرب صادّ = ثم إعتبر بالذيب يضوي بغرات
يضوي بغـراتٍ وهم ما دروا بــه = واللي يوقف في المحاري هقوا به
كم واحدٍ وقـّف ولا قضي نوبــه = يهـوي إلى شاف اللحم كنه حــدات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
القاف قل للي يريــــد النواميس = اللي يبي طرق الهوى يرخي الكيس
وإلا بذلت النفس والكيس وإبليس = يطيح ناس ٍيدّعـون الديانــات
طاحوا وصاروا للخلا يق علاجــه = يلقى بهم راعي الهوى قضي حاجـه
وإلا نثرت الحب جـتـك الدجاجــه = حاضت وباضت لو تبي عشر بيضات[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الكاف كنّ السدّ في كل الأحـوال = وإحفظ لسانك لايقولون ذا قـال
حتى تجي عند العرب خوش رجـال = لا جيت مجلسهم نواظرك صقـرات
صقرات لا تجلس مـع اللي يشاكيك = هو داء دواك وتحسب إنـه يداويك
ياديب كان الله على الرشد هاديـك = إكتم كلامك بالضلوع المحنــّـات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
اللام ليت العمر ينكس لحلـــّــه = قيمة ثلا ثين السنة هي محلـّـه
الرجل قبل الشيب يا حلو دلـــّـه = ولا لاح فيه الشيب ما فيـه لذات
مافـيـه لـذات ٍولا يرغـبـونـــه = لو حط له ردن ٍوكحل عيونــــــــــه
أهل الهوى عقب الغلا ينكرونــه = لوهو مصافيهم على فايتٍ فــات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الميم ما غـيري من الناس جـرّب = ولاهو بمثلي في حياته تطـرّب
لاويت صافي اللون فوق المضـرّب = كن العدو عني عيونه مداوات
مداوات جعله ما يجي لك عـبــاره = واللي بصد ٍعنك وش لك بكاره
الحذ رما يـاطـا بوسط ا لخبــاره = لازم يجي فيها عقارب وحيـــات[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
النون نام الحظ ولا فيه حيلـــه = عيا يباريني وأنا أزريت أشيلــــه
من يوم فارقني عريض الجديلـه = قام ايتكسر في حشا الصدرعبـرات
عبرات ضيـّقـن حـنـايا ضلوعـي = عليك يا خلي حسين الطبـــــوعِي
والـلـة ما جفت محاجر دموعــي = دايم عيوني في مهاواك سهـرات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الهاء هواي السابعة يالفطينــي = والثامنة ياللي تعرف الرطينـي
مخفية ما ودي لضدي يبينـــــي = والتاسعة تحصاه بأعداد الأميــات
أميات مات القلب من كثر همّـي = وأشكي عليك الحال يا ولد عمي
أنته عضيدي وأنت لحمي ودمي = ترضاه يجفاني ولاني بمجفــات[/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
الواو ويل أهل الهوى من هواهـم = كان الذي قد سم حالي وطاهـم
كم ليلة ٍيصبح غـبـيـبٍ عـشاهـم = إلا لقيمات ٍمع الحلق مـــــّرات
مّرات لين أقضي من الترف شفـي = وأوسده عضدي وزندي وكفي
وأكشف عن اللي بين ٍ وأمتخفـّي = ثم ٍيجي للزاد والشرب لــذات[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"]
اليا يحبه صلف ومراقده كلــف = لو هو يتمم مطلبي كان أقول ألــف
حيثه صديق ٍمن قديم ٍعلى عـرف = وإلا فغيره لو يبي عشر بيـزات
بيزات ما أفـّـلها لغـيـره بلا شي = من جنس رأس الظبي ما أبي عراشي
إلا لمن ما يه عـلى ماه مــاشي = هذاك من يمه فـلوسي رخيـّـات[/poem]

ارجو ان اكون وفقت بنقلها

واتمنى ان تعذروني ان وجد اي خطاء مطبعي

تـــمــــت