حصريا لمنتدى المرقاب

قلبي هدف بندقك

،،

،،

لكم مع التحيه ،، أتمنى أن تنال إستحسانكم


[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلبي هدف بندقك والصد عبرود = واصبعك كبرك يهدد في زناده
والصد من غير حجه سيف محدود = لكن في كف ظالم بنحياده
والصد مع خاين الاحباب محمود = لا صار غدره مثل نار الحداده
والخاطر اللي بفكره صار مشدود = ما أصبح سواتك حجر حزة عناده
وش فيك تقفي ودرب الكبر مسدود = واللي زرعته تبى تجني حصاده
أما أنا خافقي بستان وورود = ونبع الحنايا قراحٍ من وداده
لكن شفت الزمن بأيامه السود = والبيض منها مزج مر ونكاده
فيها عطيت السياده سيد الخود = واستغرب إنه حجب وصل السعاده
يوم إن حبك ملك وضلوعي جنود = وشلون قلبك جفا حب السياده
دم الصبر بالخفاء يا ناحل العود = أحرق حشا خافقي مثل الوقاده
وإن كان عندك مثل غايه ومقصود = لابد راع العذر يعطي سناده
أما كذا قلت باب الوصل موصود = هذي لها جرح مايلقى ضماده
وشلون فكري سرح مع هبة النود = وصار بحياتك مثل صدر وقلاده
وشلون حبي سحاب بروق ورعود = صافي وهمال مخضرةٍ بلاده
ومع كل هذا غرامك كذب وجحود = وعندك بدرب الغدر صبر وجلاده
أسأل دموعٍ بدت بجفون وخدود = وأسأل آهاةٍ بصدري في زياده
من يستحق الدموع وزفرت الكود = هل هو زعيم القسا فوق الحماده
والا وليف الوفاء والحب مشهود = اللي بدرس الوفاء حصل شهاده
لابد ساق الشقاء يوضع به قيود = دامي لقيت الغدر مسرج جياده
وش لي بهمٍ سوات الشامخ الطود = أرتاح وأهنا وأكبر بالوساده
وتبقى المشاعر بقلبي تملك حدود = لناسٍ تحب الوفاء وأهل الرياده
أرفع مقامي ومزق ماضي عهود = دام العهد للفضاء وش مستفاده
اللي يجيب النقص بمقابل الزود = ويدفن لهيب الجمر داخل رماده
يحرم عليه الوفاء لو كان موعود = ويحرم عليه الوصل ملحه وزاده
أبوي وصى وهو لا زال موجود = قال التذلل لربك من عباده[/poem]

////////////////////////////////////////////////////////////////////////

اخوكم // عبدالرحمن البراق ،،