هديه لسداح ؟!

على طاري الانتخابات ,

طرت وجرت على الكيبورد , وأهديها للدكتور

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السياسه تتعب اللي يلاحقها=ماعرفنا غربها من مشارقها
عاطفتنا كانت أول ضحاياها=ناس تجمعها , وناسٍ تفرقها .!
وذالسنين الناس ماهيب مثل أوّل=إختلف صادق نواها ومنطقها
ماعرفنا من نصدّق من العالم=راح صادقها وجانا منافقها
كلّ منبر يدّعي بإنّه الصادق=واللْه ماندري من اللّي نصدقها
ابتلشنا فيك ياللاعب الناشي=خطّتك قد لك سنينٍ تنسّقها
وأنت متسلّق على البدو بالحيله=المتون تميل لك وإتّسلقها
تستغلّ إقلوب ناسٍ على الفطره=ماتميل متونها الا لخالقها
بعْملاك اللّي على ودّك وكيفك=تخترق صف القبيله وتخرقها
والقلايص تِقْلَص وتدّي الطاعه=وإتّلصمق في خطَطْك وتلصمقها
ولحيتك ماهيب لله مربّيها=مرّةٍ تِكرم ومرٍ تحلّقها
بسّ في ذالعام سلّم على ربعك=البدو لدّت بك , وثار بندقها
العقول مفتّحه والهدف واحد :=نمتحقها فوق راسك ونسحقها
حنْ ماحنْ بإخوان , غير بديانتنا=وكان قلت بغيرها ؟ قلت لك : سقها .!
العدس ماهوب قسمي ومقلاطي=لاتلدّ بعينك ولاتبلّقها
بتّحسّر وإتّذكّر وعايدنا=وتصطفق كفك بكفّك وتصفقها
غار لاضاقت بك وقلّت الحيله .؟=حدّ موسك لـ. اللّحيّه وحلّقها .![/poem]