~*¤ô§ô¤*~يـاعــم افـنـدي~*¤ô§ô¤*~

[align=center]رساله إلى تلك العقول التي لا تراء أكثر من أرنبة أنفها .. هذا أن لم يكن ارثم ؟ لعلها تعيء [/align]

[poem=font="Arial,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
كنت أحسب أنك فوق يا موقع أبيات=حتى حصل بك شي ما هوب ودي

و بديت أدقق فالشعر والمقالات =وحذفت من باب القناعات ردي

عندي مدى شاسع بعيد المساحات =ولا كل من قاس المسافات قــدي

حرية التعبير من رفعة الذات =وحبس الفكر مثل الحديد المصدي

ولأرشفه تتبع لـفرع السجلات =واحسب حسابك زين يا عم أفندي

للناس فيما يعشقون محطات =ياحبي ويا عيني يـا قلبي و كبدي

ولا وش أيسوق كبار المجلات =والسوق هابط والزمان أمتردي

إلا ترهات ٌ وأيـا تـُـرهات =يمرهـا فكر الكريم أمــتعــدي

والعنكبوتيه بها العنكبوتات =جابت بعيد الأرض والدار حدي

محال هذا الشي قبل سنوات =عجزت على كثر ما شرح لجدي

و أقول يا جدي عساها سلامات =حنا بعصر العولمة والتحدي

ذلحين للأشعار صوله وجولات =واعلوم ما تنقال وابيح سدي

يا كبر حظك ما لحقت السخافات =وجيلٌ يحسب أن السخافات مـجـدي

وين المرودن والعقل والمعمات =وركايب المضهور لا جت تحندي

وين السفايف والكثل ولازمات =اليا اقبلت مثل السحاب المقـندي

وين النجور اللي تجر الطويلات =اللي تنادي ضيفها لا يعـــدي

يا ويه يا سمر البيوت الوسيعات =اللي عليها نايح الورق يشدي

اصدورها ووجيه أهلها طليقات =للي عليها من عنا البعد يبدي

يقرون في غبر السنين المحيفات =والجود من ما جود الاجواد يندي

ونيرانهم في داجي الليل أشارات=ودلالهم بالبن والهيل تـعـــدي

هذي طراة الوقت في ماض الأوقات=يوم الرجل في واجب الرجل يجـدي

امعاوضين بخير في فايتن فات=طراة وقتن قبل تسعين عــقــدي

لعناية اللي دوب همه عنايات =أقـول شد الحيل جَلْدي و جَلْدي

ابعد طموحاتك سكاكر وعـذبات =وزيف المشاعر بين بـَدي ما بــَـدي

تـنسج من أحلامك مجرد خيالات=على علـنديه يطنطخ علندي

وأذا بغيت الصدق يا موقع أبيات=تراك ما تعني ولا شي عنــدي

وان كان يلحق خاطري من حسوفات =شعرا ً كتبته فيك من بـذل جـهــدي

والصدق ما في الصدق والله مـرآت =أن ما ضبط سلك العلاقات بــنـدي

شبيه في خدش الزجاج العلاقات =وحبس الفــكر مثـل الحديد المصدي [/poem]