مــالــه لــوا !!

السلام عليكم و رحمة الله


اعتذر عن الانقطاع الطويل ..

و هذه مصافحة جديدة عساها تنال القبول ..
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

*
*
*



ما ارتويت ! .. و عذق صبري ما ذوا=يلفحه امنْ الأمل نسمات نود

الليالي فالعمر .. ما هي سوا=و العمر لا راح .. لا يمكن يعود

و عذر راع الحلم لا منّه نوا=النوايا بيض .. مير الطرق سود !

و لو طريقي ما خذلني و التوا=دون حلمي ما تلّمست الركود !

و من يقول : ابذل تجد .. ماله لوا=كم بذلت .. و لاوجدت الا الجحود !!!

دام راسي حي .. و يشمّ الهوا=لا آتحيزم بالعزم .. و ارقى سنود

و آتنفض من عناي .. و ما حوى=و آتجرع من ثقافات الصعود

وانت ياللّي لي .. و لايّامي دوا=ما شبعت امنْ التجافي و الصدود ؟!!

انت .. ما قبلك .. و لا بعدك هوى=وانت .. ما لمْحبتك وصف .. و حدود

ما نسيتك .. لا .. و لا قلبي قوا=بيننا حلم .. و مواثيق .. و عهود

كلّ ما بارق طيوفك فيْ ضوا=حنّت اسماعي لدويات الرعود

ما ارتويت .. و عذق قلبي ما ارتوى=ينتظر غيمة مواصيلك تجود

و النّعم في عمرْ بالحزن انطوى=و ما عليك .. و ما على جفواك زود !




*
*
*[/poem]