حــمــاض الــســوالــــيــف

[align=center]جديده ومتواضعه للتواصل[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تلتفت لي دامـك اقفيـت ومعيـف=ابعد وعيش اللي بقـى مـن حياتـك
مانيب طفلٍ لك يبـي منـك تخفيـف=ولاهـوب مقنعنـي كثيـر التفـاتـك
مافيه داعي تشرح الوضـع وتضيـف=اخير مـن حكـي المجامـل سكاتـك
قريت فعيونـك حمـاض السواليـف=لو كان تنطق غيرهـا مـن شفاتـك
اهديت لك قلبٍ له احسـاس ورهيـف=وحققـت لـك رغباتـك وامنيـاتـك
واعلنت حبك فوق روس المشاريـف=واجمل قصيدي كاتبـه فـي صفاتـك
عرضتني برد الشتا وواهـج الصيـف=واقـول فـدوه نـظـرة مكحـلاتـك
واهديت لي سهـمٍ تمثنـى المهاديـف=انـا جرحني...وانـت مـوّت غلاتـك
عيبي صريح وواضح وكلمتي سيـف=وعيبك كلامك يختلـف عـن سواتـك
الرب نؤمن به وهـو مابعـد شيـف=والفرق واضـح بيـن ذاتـي وذاتـك
خل الجريـح يسامـر بليلـه الطيـف=ماعـاد باقـي لـه سـوا ذكرياتـك
ابحرت بالمركب وهي مالهـا سيـف=واللهُ واعلـم بعدهـا عـن نجـاتـك
عمـر الامانـي ماتفيـد الملاهـيـف=وعمـر الليالـي ماتحقـق منـاتـك
وعمر الزمن ماهوب يمشي على الكيف=لابـد ماتنشـف بحلـقـك لهـاتـك
وبقول حاجه دامـي اقفيـت ومعيـف=(حبـك توفـى والبقـى فـي حياتـك)
[/poem]


[align=center]وسلامتكم[/align]