خلّـكـ بقــــــربي

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خلّك بقربي من سنينٍ عجاف=و استلم قلبٍ على شوفك شغوف
مرتجي وصلك و راضي بالكفاف=محتزم بالصّبر في كلّ الظّروف
في حرم حبّك نويت الإعتكاف=لو أواجه ويش أواجه من حتوف
فيك عن كل المخاليق اختلاف=كمّلك ربّي بحسْنات الوصوف
حبّك العذري و حفظك للعفاف=يا وفيّ و يا نقيّ و يا عطوف
مستحلّ عمق لبّي و الغلاف=و أنظرك من وين ما أمشي و الوقوف
في حياتي منك شكّلت انعطاف=و أنت شفّي مالي بغيرك شْفوف
يرتوي حالي معك عقب الجفاف=و أهتني بالورد في حلّ القطوف
و النوايا من فضل ربّي نْظاف=و أبشر بعزّك و لو قامت صفوف
لا يهمّونك هل عقولٍ خْفاف=ما أكثر أهل الغشّ لو نحصي الكْشوف
انتظرني واصلك لآخر مطاف=ويش خانتها النقاط بلا حروف[/poem]