يعقوب ..

[align=center]يعقوب .. قهوجي عراقي ..

وبوح آمل ان يرقى الى مستوى قصيدة .. [/align]

[poem=font="Traditional Arabic,6,black,bold,normal" bkcolor="transparent" bkimage="" border="solid,1,black" type=2 line=0 align=center use=ex num="0,black"]
يعقوب / ناولني من الشاي كاسة=أعدل مزاجي دك بالراس داكوك
قلبي /على ذكر الفرح و الوناسة=تتله حبال العواطف على شوك
سلوان يومه ينتهي بأنتكاسه=والليل / هم .. وباب الافكار مفكوك
معذور / وإن حسيت بعض التعاسه=إنسان .. ماقلبي مسامير وسلوك
يعقوب / مشروبك له أهله وناسه=لاخمرة الساقي .. ولا دلة أبوك
ربيع / مخ الذوق وعظام راسه= يكرم عن الببسي ويكرم عن الكوك
أشقر / شقاره عمق فكر وفراسه=وأحمر / حماره ذوق وأحساس وسلوك
سوقه لابد الراس يسري عماسه=وينساب شلال القصايد على البوك
بين أبلج المعنى ... وبين التباسه=ردد معي : موال "الأحباب خلوك"
مقطع شجن / يفرض على أقتباسه=ويستمطر العبرة من أسياد وملوك
ما أبي ثقافة و أتكيت وكياسة=شفي ،، قصيد / و كاس / و أحساس صعلوك
أفضل من أخبار العرب و السياسة=مقطع فلكلوري / و مقطع من الروك
ما علموك أهل العمايم // تناسه=وثقت فيهم طفل ،،، لكن غشوك
يعقوب ... زيل المنحدر من أساسه=وسافر مع الموجه على سطح سنبوك
عيش الحياة / بكل لين وسلاسه=ترى السعادة/ كنز / و أوطان / و بنكوك
من قيد أحساسه // بقيد و حراسه=لو أعتقد حريته // عبد مملوك
هذا الصحيح بكل دره وماسه=لو يلحقه نقد و عذاريب و شكوك
خسر أقدم الرهبان وأعلن أفلاسه=لكن قل للرابح: الفين مبروك[/poem]