وانا اشهد ان العيون الناعسه تسبي......

الاخوه اعضاء وزوار منتدى المرقاب
السلام عليكم
تقبلوا هذه المشاركه

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وانا اشهد ان العيون الناعسه تسبي=ياويل عينٍ تناضر في حلاياها
عيونها خرس لكن دوم تسرف بي= فيها حكي ماسمعته من شفاياها
نظراتها ضاريه بالسلب والنهبي=تسلب عقول الهواويه وتسباها
تكسب حروب الهوى لاطبت الحربي=اهدابها رماح والنظره سراياها
لاجيشت جيشها غارت على قلبي=تطعن شرايين خفاقي بشلفاها
طعنات حبٍ يحير بطبهاالطبي=طعناتها كل حرٍ قرم يخشاها
طعنات ابوزيد وسط الحرب لاطبي=والا كما طعنه العبسي تحلاها
تطعن وتسطي وتسبي قلبي ولبي=قلبي وعقلي وروحي من ضحاياها
مجروح من حبها حسبي على الحبي=الله يعين القلوب اللي يتولاها
مشتاق لمشاهده معسوله النبي=اربع سنينٍ وعيني ينتثر ماها
عطشان ياوجد وجدي ودي بالشربي=من ذايب الشفه ترويني ثناياها
ياعاذل القلب عذلك ماهو مثر بي=مهما تقول وتقول النفس تهواها
الحب بلوى وانا من حبهاصبي=مثلك وشرواك والله من فداياها
مزيونهٍ والجمال مقسمه ربي=من راسها لاخمص الرجلين غطاها
جمالها اليوسفي يسرف ويلعبي=بذ الخفا لين نفسي جابت اقصاها[/poem]