نقطة .. وتفتيش !

[align=center]إلى عشاق مرقابنا الإعزاء ...

مع وافر التحية !!!

قصيدة لها مناسبة خاصة ... [/align]
[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
يا مسافر(ن) للشرق وقت المغابيش= الله معاك ولا تقابل ندامه
الرجل رجل يروح فالبعد ويعيش= ما يجزع من البعد غير (.......)
والبعد والممشى وكثر المطاريش= هذي تراها للنشامى علامه
رح خل قلبك صلب ماهو كما الريش= قلب الصقر ما هو سواة الحمامه
وأحذر من الحساد أعدد لكم ويش = اللي يبونك دايم(ن) فنهزامه
يدورون عيوب لو بالمناقيش= وليا لقوها فيك سووا كرامه
ناس(ن) ليا قفيت حشوك تحشيش= وإن قابلوك أبدوا لك الإبتسامه
ويفرشون الأرض بالحكي تفريش= وتحت الفرش محفور تسعين قامه
الوقت متغير وجا فيه تشويش= ترى زمنا قد تغير نظامه
في كل خطوة حط نقطه وتفتيش = واخذ الحذر منهم وليت السلامه
شدوا حزمكم لا تقولون لي ليش = يا ويل من فرط وضيع حزامه
و لبس العقل ما هو سواة الطرابيش = ما يصلح الطربوش فوق العمامه
أول دعاويهم تراها تناتيش = وآخر دعاويهم هجوم وغرامه
ناس(ن) على كسرة عصاكم معاطيش = من ساسهم حتى تقوم القيامه
ناس(ن) يبونك زال يلقون بخشيش= واحدهم البخشيش دايم همامه
وإن ما عطيته ينفصل عنده الفيش = ويبين لك كل الردى في كلامه[/poem]
[align=center]شعر : فلاح بن مرشد بن خلف الزراقي العتيبي .[/align]