... (( ثـلاث حـروف )) ...

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
السلام عليكم ورحمة الله وبركاته ..

اتنمى ان تكونوا بخير وابارك لكم قناة المرقاب ومن اعلى الى اعلى ..
نص بسيط ومتواضع جدا" فقط للتواصل معكم ..

برد المساء يشعل اشواقي دفى والحنين = يكوي خفوقي من هموم المفارق كوي
حزين لو اتظاهر بإن ماني حزين=وضعيف لو اتظاهر بإني اقوى قوي
وعلى غرار السنين اللي طوتها السنين=اعيش حلم" يتيم ولا بقى له ذوي
يا ياسمين اسألك: من جاب لي ياس مين ؟ = لو الإجابه سؤالي وان بغيت آغوي
وكل الحدائق بعيني مابها ياسمين=وعرقي ذوى وانت عرقك سابح ومرتوي
يا سلوة العاشقين وبلوة العاشقين=انا سوي والبلا ان القلب ماهو سوي
اكتب من ايسرك مير اقرى ايسرك من يمين=يا فوضوية مشاعر شاعر" فوضوي
ولو مرت العابرين وطافت العابرين=ان مرت الفهلوي ما طافت الفهلوي
سرت وهي من ثلاث حروف مسرى الفطين=ذيب" مع القاع يهذل للعشى ويعوي
ماله على الوقت كود الله كفيل وعوين=والجوع طاويه مع طول المسافه طوي
يا موجعه في حنايا الصدر جرح" دفين=طعنة خوي بالخطأ صابت وجت في خوي
جتني وانا اقول بأن الله مع الصابرين= الله قوي جل سبحانه ما غيره قوي
وكتبت لي خاطره وانا وحيد وحزين= وغنيتها من طرب لدافع المعنوي[/poem]