جملة الارباح .!

صباح الخير
قديمه , ومتواضعه بكلّ المقاييس .!

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالـلْه عطفك ولطفك , وتوّ العمر ماراح=أخاف إنْ يجي يومٍ وأجي فيه متردّي
قبل لايلوح الشيب , أبي الشيب لامن لاح=على عزّ يكسى وجهي وجاهي إيقدّي
أبقضب دروب الطيب قبل أسمع الامداح=دامي في شبابي ؟ بعمل بيومي لْغدّي
هل الطيب فالطيب إلهم القفل والمفتاح=وبإذن الله إنْ مفتاحه وقفله بيدّي
ورفيقي معرّب جدّ طبعاً وطيبه فاح=وطيبي على حدّه وطيبه على حدّي
ينومس رفيقه لاتعومس ولايرتاح .؟=لين إنّ العماس يروح والضيقه إتعدّي
وإذا جيت مستفزع يجي فازع ونطّاح=يناطح ولاينطح مع ضدّه وضدّي
وينصح وانا سامع . ويسمع وانا نصّاح=كلامي ونصحي عنده إيجيب وإيودّي
ثقيل وبنفسه خفّه وضاحك ومزّاح=على المزحه بْيضحك , وفاللازمه جدِّي
مابيني وبينه حدّ والسدّ عنده باح=انا عارفٍ سدّه وهو عارفٍ سدّي
وانا عند ظنّه عند الاحزان والافراح=وماليّتي ماليّته . مدّه ومدّي
أزوزي بحمله لايقال إنّ حمله طاح=خصوصاً : لامنّه صار من مارثة جدّي
أجي له مثل حرٍ محوّل على ملواح=ولاضاق ؟ والله إنّي آضيق من جدّي
ماينزاح همّي لين ماضيقته تنزاح=ولاطاح دمعه طاح دمعي على خدّي
هذي جملة الارباح يامدّور الارباح=وذي سلوتي من ضيقي وكيفي وودّي
أنام , وضميري معْي في نومتي مرتاح .؟=اذا كنت متطيّب ولانيب متردّي .![/poem]