( مركب الطاش )

لتواصل مع قلوبكم الطاهره

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العمر رحله والليالي تدانا=والآدمي لو عاصر الوقت ماعاش
ياما سمعنا علم شين ودهانا=سهوم المنايا بين مسرى ومغباش
العلم واضح والطريق يحدانا=وماكل مانبغاه يحصل ويناش
دنياً تقلب ماعليها ضمانا=والرابح اللي سيرته كنها الشاش
قرم ٍ يحوش المرجله ويتفانا=وزود ٍ على ذلك سنافي وشواش
لو زادت حموله وسيع البطانا=صليب راس ويحتمى موقفه كاش
ماهوب خبل ٍ لا نخيته جبانا=اللي من ادنى صوت يطمر وينحاش
ماله مع رجال المكارم مكانا=وراس الظبي ماذكر به فود وعراش
وياللي لهيتوا شوفوا اللي غزانا=راحت عوايدنا على مركب الطاش
قمنا انتناحر والتناحر بلانا=وصرنا على التحريف والكذب نعتاش
هذا شذب ربعه ونومس عدانا=وهذا على جاره يدور بمنقاش
الجار له حق ٍ كبيراً علانا=والعانيه واللي من البعد طراش
والله عن ادروب المعاصي نهانا=ونتعب على الاخيار ونجنب اللاش
ويالله من شر الامور تحمانا=وتفكنا من كل حاسد وغشاش
والوقت يطوينا ويطوى رشانا=وعندي نصيحه للنشاما وببلاش
بيت ٍ حفظته من قديم الزمانا=بيت ٍ يكيف خاوي الراس والجاش
للشيخ ابن معدل مناحي حجانا=اللي فعل يمناه يفني للادباش
( شابت لحانا مالحقنا هوانا=وعزي لمن شابت لحاهم على ماش )[/poem]



.