شــــــــارع شــــــهــــــــاب

السلا م عليكم ورحمة الله وبركاته

هيضنا مديرنا الفاضل وهذي بويتات قديمة قلتها على لسان حال احد الاصدقاء حصل له موقف في الشارع

المذكور وصار يهيضه هوا الصيف والبيت الاخير يدل اني ما نيب راع الموقف



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يانسمـة الصيـف فكيتـي للاشـواق بــاب = وصبري بعـد همسـة النسنـاس روح هبـا
شاعـر وقلبـي ليـا شــاف الغنـاديـر ذاب = اذوب لاعـرضـن لــي قـايــدات الـظـبـا
عاشق ومغرم مـن ايـام الصبـا والشبـاب = واليـوم عاشـق ولا حولـي شبـاب وصبـا
لو غبت ما بغت عن قلبي ياشارع شهـاب = وشلـون ينسـاك قلـب ٍ فـي ثـراك انسبـى
يمـك دروبـي جذبهـا الحـظ والحـظ جـاب = يمـي ويمـك دروب التـرف عــذب النـبـا
عينـه تكلـم لــي وعيـنـي تــرد الـجـواب = عـيـن ٍ تسـلـم وعـيــن تـقــول يامـرحـبـا
وطرنا سوا في سما العشاق فوق السحاب = وغصـن المحبـة علـى نهـر التلاقـي ربـا
في وسط قلبه سكنت ولي ضلوعه حجاب = وفي وسط قلبي سكن عذب النبـا واختبـى
واليوم عن صاحبي طالـت سنيـن الغيـاب = وتبعثر الوصل باسبـاب الظـروف وكبـا
واصبحت اردد بعد ماغاب جـال العـذاب = بعـد الحبـيـب يهـبـا بـعـد الحبـيـب يهـبـا
ولو كان عدت سنين العمر والراس شـاب = يبـقـى غـرامـه بقلـبـي طـفـل تــوه حـبـا
من بعدها لا شعرت بضيـق والا اكتئـاب = اخـذت لفـة عـلـى المـوتـر بـشـارع قـبـا [/poem]