عيون عقلي والايام

بعد غياب طويل وانقطاع

اعود ومعي هذه المتواضعة اضعها بين شوامخ حروفكم

كلي امل ان تصل الى ذائقتكم


[poem=font="Arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالت تنام الليل قلت ايه انامه = لكن حلوم وهلوسة فكر واوهام
احيان اشوف الحال فوق الغمامه = واحيان اعظ من القهر صبع الابهام
نوبٍ تزين وتنبني لي خيامه = واحيان اشوف ان واقعي زيف واحلام
مرات اشوف بعين زرقا اليمامه = ومرات ماشوف المعاني والارقام
تخربطت دنياي شرقه ب شامه = وتغيرت بعض المبادي والاعلام
والعين ماله طاب حتى منامه = صار السهر له طبع مع شين الايام
شوفي عدوي صار يكبر سنامه = وحكم على كل المشاعر بالاعدام
وان جيت الومه ماتجيه الملامه = شيخ وامير بعين ربعي والارحام
ياقف بدربي من فرضت احترامه = ويصير له مثل المحامي بالاحكام
واسكت واشوف الحال زاد انحطامه = وصارت مساحه تحتوي عدة اقسام
لاتسأليني كيف اشوف انقسامه = اشوفها بعيون عقلي والايام
قلتي مصير النفس تلحق مرامه = واقول بين الناس لايم ومنلام
نفسي واعرفه يوم ضاع انسجامه = وتحققت هرجات الاعدا والاخصام
الله يالايام مااصعب دوامه = تخليك في دوّامة الفكر منضام
تقبل هواجيسي وتقعد وقامه = وانا اتراوح في مكاني من العام
يللي سألتيني عن احلى ابتسامه = راحت مع ايام اللقا واحلى الاحلام
حتى قصيدي صار غير بنظامه = نظم الغزل عندي متاهات وآلام
الشعر عندي لكن انتي وسامه = وان ماكتبته في مزاياك ماقام
الوقت ضدي يالحبيبة سهامه = لاتاقفين بصف وقتي بالاسهام
وانا عشقت من الزمان الكرامه = احيا بها واموت ماطيع لوّام
وانتي حبيبة قلب شفتي غرامه = تسوين عنده شي يملك ولا يسام
والليل انامه بس وان جيت انامه = يمكن حلوم وهلوسة فكر واوهام[/poem]



.