مصافحتي الاولى عسا ان تنال رضاكم

[poem=font="Tahoma,5,green,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
توكلـت بالله والسـعـد والـفـرج بالله=هواجيس فكري تعشـق الشعـر وتديـره
تخيـر سمـان الهـرج والباقـي تزلـه=علـى طاعـة اللـي ماتخونـه تفاكيـره
سوات المزون اللي على العشب منهلـه=صدوق السحاب اللي تـرادف مزابيـره
مصاديـره البحـر الحـمـر لاتزهـلـه=وتعرف تباشيـر الحيـا مـن مصاديـره
والايالله انـك تحفـظ العـبـد وتـدلـه=بدرب النبي المصطفـى طيـب السيـره
انا ابنصح اللـي يقبـل النصـح واقلـه=حيـاة البنـادم بيـن حلـوة وتمـريـره
لكـن لاتغـر اللـي بعيـنـه تزينـلـه=صفا اليـوم مايكفيـك عجـة معاصيـره
ترا الامر واحـد يعقـد الحبـل ويحلـه=ويـاكـم قـفـا فالـزمـان بهوامـيـره
يبـار البنـادم فـي حياتـه مثـل ضلـه=لاراد الولـي يامـر ويعطيـك تاشيـره
ولكـن عليـك بمذهـب الديـن والملـه=ولاتطمـع بدنيـاك عنـد الله اصغـيـره
وصل الفروض الخمس واكمل وجوب الله=وطيـع الثنيـن وبرهـم ماتبـي غـيـره
وجالس هل النومـاس والطيـب والدلـه=رجال(ن)على الطـالات شبابـة النيـره
تسر الصـدور وكـل طيـب تثمـن لـه=وإن احتجت فـي لازم تهـون معاسيـره
وعليـك برفيقـك واحتمـل منـه الزلـه=رفيقـك ذرا جنبـك ليـا شبـت النيـره
ولاتقطع الارحـام واكـرم ضيـوف الله=تـران العزيـز اللـي يكـرم مساييـره
وجارك نصيحـه لاتجـي يمـه الخلـه=رسول الله اوصى المسلم بواجب الجيـره
وبنت الـردي لـو زينهـا جابتـه كلـه=تـرا ساسهـا مافيـه خير(ن)ولاخيـره
كـذا ساسهـا لايعجبـك مظهـر الفلـه=تـرا مايعـز ركـون بيتـك وتعمـيـره
وبنت الشجيع اظفـر بهـا واستعـن بالله=وتبـشـر بعز(ن)قدمـولـك تباشـيـره
وهرج القفا والكذب عـن منطقـك خلـه=طريقـه قصيـر وفيـه لفـه وتدويـره
انـا ماهرجـت بعلم(ن)الاعلـى حـلـه=حسب ماعرفت مـن الزمـان وتدابيـره
وانا مابقـول العـرف مستحـوذه كلـه=ولاابخص حقوق النفس والطيب اشيـره
اقول الذي يعرف هذا العلـم يفطـن لـه=ومـن لايعرفـه يطلـب الله فالخـيـره
[/poem]