المشــــــاريه

[poem=font="Simplified Arabic,6,black,bold,italic" bkcolor="transparent" bkimage="" border="outset,7,darkred" type=2 line=0 align=center use=ex num="0,black"]
حبيت اقول الله يمسيك بالخير= واخذ علومك وانت تاخذ علومي

واسوق لك صفر الدلال المباهير= بعد الاخير اليا غياب النجومي

واعطيك عن بعض المشاريه تقرير= عينتني باسبابها طار نومي

وانت بضميري لك معزّه وتقدير= من شجرةٍ بالعز والطيب تومي

ماضيق غير من الرجال المناعير= ضيقة غلا من طيبين السلومي

اثر الزعل طعمه ولونه يجي غير= وتضيق بالزعلان حتى الهدومي

لاجات من روس الرجال المشاهير= الطيبين الغانمين القرومي

اللي لياهبت علينا المعاصير= يكفي ذراهم عن لهيب السمومي

لو يتبع الفلاح صوت العصافير= ضاع النهار ولا قضى له لزومي

وراع المعرفه مايبي زود تفسير= ويعد مثل مفسرين الحلومي

منه الخطا نعتبره اكبر من النير= مايدمحه فالوقت حب الخشومي

والرجل يعذر لاحصل منه تقصير= ولاهوب عن بعض العلوم معصومي

لكن علوم تفيد معها المعاذير= وعلوم عنها ودك انّا نصومي

واقول يالله ياعساها تياسير= يافارج الشدات تبعد همومي

وعسى سحاب الخير دايم مزابير = ويدوم ورياح الجفا ماتدومي[/poem]