مابين ركب العولمة والتحدي

[align=center]السلام عليكم ورحمة الله

مساكم الله بالخير جميعا

وتقبلوو مني هذه القصيدة المتواضعة

بعنون معانة اخر الاسبوع


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامل قلب ٍ من طنى الهم مشقور= كنه بحدبات الشباري يقدي
هم ٍ على قلبي مقدر ومامور= دايم لصكات الخطر مستعدي
ترمي به الافكار من طور لطور= والنفس عيت تبلغ اللي تودي
اغوص فا الاعماق وأسبح لي بحور= واعبر لها مابين جزر ٍ ومدي
وأشيد الأبراج وابني لي قصور= ابني وغيري فا المقابل يهدي
مهما بذلت جهود فالوقت مغمور= دارة كواليس المقادير ضدي
معاد إلي قدره ولا في مقدور= مما يدور بهاجسي باح سدي
أحاول اطفي فارغ الصبر ويفور= وكم صاحب ٍ لا جيت يمه يصدي
حتى الرفيق اللي نبربه ويبور= يأوين أبا ألقى معدن ٍ مايصدي
في عالمٍ عاشت متاهات وغرور= مابين ركب ألعلومه والتحدي
لو قيل مش وظاهر الحال مستور= الوضع بأيد والمصير متردي
ما كن ربي حط منهج ودستور= ومسلك نبي ٍ بالهدى مجرهدي
حقي عليكم يأهل النصح والشور= لمناشد أهل المعرفة ما نبدي
واللي يعرف الوضع ما هو بمعذور = لازم يسهام بالحذر والتصدي
العدل يشكي من هل الغش والزور= من فعل ظلم ٍ بالجشع والتعدي
وضحى بسوق المال غاشم وهامور= من حق غيره مفطر ٍ ومتغدي
والشعر جاله من هل الغث مسعور= من قو باسه قال ذا ورث جدي
تستمتع العالم على ألعمي والعور= هذا يجيب ألوان وأخر يودي
والشعر يا هل الشعر بحساس وشعور= من الخيال المبتهل يستمدي
ويترجم الواقع على السمع بسطور=وقول ٍ بليا بينه ما يعدي
من غير نقص ٍ في هل الطيب وقصور= اللي بصعبات المواقف تسدي
واللي يحاول يكبر الناس مكبور= مهما بلغ من كبريا واستبدي[/poem][/align]