غزلية متواضعة

[align=center]قصيدة لاتكاد ترتقي بمستوى النشر

ولكن نزولا عند رغبة بعض الاخوان تم طرحها[/align]




[poem=font="Arabic Transparent,5,darkblue,bold,normal" bkcolor="transparent" bkimage="" border="double,4,darkblue" type=1 line=0 align=center use=ex num="0,black"]
البارحة ما ارتحت من كثر الاريا = تزاحمن فالبال مع ضيقة البال
راي يسند بي وراي انحدريا = ورايً تصافق بي من الجال للجال
كله سبايب من برى الحال بريا = غروً على كل المزايين يختال
صغير سن وفي قوام الزهريا = ميال قد ولاطرقه الهوى مال
والليل كاسيها ليا ادنى الخصريا = واليا اقبلت بالصبح ياحي الاقبال
والا البرد من دون صفه جمريا = ياوجد حالي وجد من شاب ماطال
والعين عين اللي تعلى الوعريا = ولاسلهمت بالرمش ماقايل قال
قد قالت ان سلهمت فأخذ الحذريا = ماودي بذنبك ترى الرمش قتال
وان كان ماتدري تراك بخطريا = انا ادري ان العشق جياب الآجال
لكن على ماقيل دوك العذريا = تقبله واقنع على كل الاحوال
واليوم انا بقفي ولاهو هجريا = وانسى سنين الوصل ياطيب الفال
واقفت وانا عيني تهل العبريا = على فراق اللي لها القلب مدهال
واخذت اكف الدمع يوم انهمريا = واجنب الخطوة عن دروب الآمال
واقول يانفسي عليك الصبريا = وما فات مات وكل شيً وقد زال[/poem]