اللكزز اللي كن شكله لاتمعنه النظر

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله ياللي قدرتك تعدل بها ميل الدهر=دهر ٍ سنينه جاريات اسمانها واعجافها
لك من شموخ المجد ماتصغربه عروش البشر=اللي على سبع الاراضي مرسيه باصنافها
يارب عطني من سما الابداع وآفاق الفكر=نوادر ٍ تطرب لها العراف في ميقافها
كوكب قصيدي لانعكس نوره على افلاك الشعر=له صورة ٍ في شاشة الابداع كلا ً شافها
ياراكب اللي من مصانع دولته توه صدر=حسب سياسات الدول في نقلها واعرافها
اللكزز اللي كن شكله لاتمعنه النظر=ثلجه وذايب عِينة ٍ من خشمها واطرافها
عندي مهمه والمهمه مايفيد بها العذر=في حفلة ٍ تسطع بنور اميرنا اللي ضافها
يامرحبا باسم اخويانا يالامير المعتبر=ترحيبة ٍ ماتعد ملياراتها وآلافها
تشريفكم فرحة عياد وشوفتك غيمة مطر=تروي ثرى حدب الضلوع وتقفي بجفافها
يامن على الطالات بعزومك تمثنيت البحر=لين المراجل بالسعد شرّفة في مشرافها
لك من قسوم المرجله راس السنام المشمخر=يوم ان غيرك قسمه من عضودها واكتافها
ومن المجالس لاقلطة الك المنصه والصدر=عنك الرجال اهل المناصب تنفهق لاكتافها
ومبروك ترقيتك عسى نهج المسيره يستمر=مسيرة ٍ ورث خلفها الهيبه من اسلافها
لوكان ترشيحك مايستغرب من ولاة الامر=انته كفو وولاتنا تعز العرب باشرافها[/poem]




ملاحظه : هذه القصيده القيتها في حفل تكريم الامير جامع بن عبد العزيز بن جامع بمناسبة ترقيته اميرا ً للفوج الخامس بالقصيم


وســــــلامـــــــتكم