اكتب غزل وتصير بك مرثيه !!!

[align=center]من الارشيف


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قم يانديبي وصّل البرقيّه = العمر فاني والزمان مولّي
اركب على الي يعجب الطرقيّه = وارد حفيز وفـ الطريق يسلّي
موتر جديد ... ومركب الشخصيّه = يتبع مرور محافظه حولّي
اطلع من الخفجي على الشرقيّه = يم الرفيق الطيّب المتعلّي
تلقاه في بيته وناره حيّه = دايم يرحّب بالعرب ويهلّي
ثم قل لـ بو سالم عن القضيّه = عجرت احصّل يامحمد حلّي
هذي سنه والارض ضاقت فيّه = والقلب من جور الليال مغلّي
من شافني يقول ماعليّه = والهم يامحمد غشاني كلّي
كله من الي سيرته مخفيّه = ارسله المرسال مايرسلّي !
شكيت منه الحال والخطيّه = سياته اكبر من جبال التلّي
ابو عيونٍٍ ناعسه سحريّه = الله خلقها كلها سحرٍٍ لي
كنّه قدم عيني وبين ايديّه=دايم معي ماكنّه الا ظلّي
حتى العيون من السهر شقيّه = عذبتها واشقيتها ياخلّي
ليه القصيد اخلفت فيه النيّه ؟؟ = قلي علامك ياعذابي قلي
اكتب غزل وتصير بك مرثيّه = من سمعها دمع العيون يهلّي !
انته خلقك الله عذاب ليّه = لا قاطعٍٍ فيّه ولا حاصلّي
هذا الكلام عن الغرام شويّه = والعمر فاني والزمان مولّي[/poem]




هايف الشويّب[/align]