يا عين هلي دموع الياس معذوره !!

السلام عليكم

مواهبيه متواضعه اتمنى ان تنال شي من القبول

الله لايهينكم

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
البارحه في سماي الحزن خايلته = والعين تذرف دموع الياس مجبوره
على الذي في حنايا القلب منزلته = وادوا لجرح الزمن طبه ودكتوره
الود بسم النوايا البيض جملته = وكل ٍ حسب رأيه وفكره ومنظوره
واليوم شي ٍ طرى لي ما تخيلته = يا لين الافكار من طاريه مذعوره
يا ثقل دم الفراق اللي تثاقلته = أمست مشاعر خفوقي منه مخطوره
يحداني طاريه لو قدني تجاهلته = ولو كان طوّل غياب الصوت والصوره
درب الهوى من ثمان اسنين ذللته = واتلا العهد يا سنين الود مهجوره
صبر ٍ مضالي على ما قيل طاولته = واعزتي يا سنين الود وشهوره
مدري نسى والا انا ما ظني ازعلته = ما غير اداريه خوفي لا اجرح شعوره
اقفى وقفى وانا ما كد هملته = ودارت رحى الحظ دوره في قفى دوره
اول ليال الهجر ضيم وتحملته = وآخر ليال الهجر حلم ٍ طفى نوره
قلته وأنا في ضميري شي ما قلته = يا عين هلي دموع الياس معذوره !! [/poem]