مطاليع النجوم

[align=center]السلام عليكم ورحمة الله وبركاته

قصيدة مناسبه امل ان تنال استحسانكم[/align]



[poem=font="Simplified Arabic,6,darkblue,bold,italic" bkcolor="transparent" bkimage="backgrounds/1.gif" border="none,4,gray" type=2 line=0 align=center use=ex num="0,black"]
يالله انا في رجاء باب عفوك يا رحوم= بسمك ابداء قبل مبداء الكلام انت السلام
والسلام ورحمة الله وارحب بالعموم= واسمحوا لي يوم قلت السلام ابداء الكلام
في مقام مفرج اللي عسى عزه يدوم= طول عمره طال عمره مقامه لي مقام
طيب المبداء مشبب وغالي ومحشوم= ان نصيته وان نخيته لهو شهمٍ ولام
أخدم الطيب بشعري وانا شعري خدوم= وعنه انوب بكل كلمه معزه واحترام
لجل اشرف واتشرف وارحب في قدوم= الظيوف الغانمين المشاكيل الحشام
عد وبلٍٍ من تراكم مراديم الغيوم= يوم صب الماء تمزع غثيره بالركام
وعد عشبٍ زاف نبته بعد سيلٍ هدوم= وعد من هلل وكبر ومن صلا وصام
مرحبا ترحيب يطلع مطاليع النجوم= بالحضور وبال مره بني صبيان يام
كاسبين الراي الاعلا هل الفعل الحسوم= أهل حلفٍ ما دخلهم تحيّز وانقسام
ساس مجدٍ في المعارك يضدون الخصوم= واهل الخيل المسوّم وحامين الجهام
من يسره شوف حرشٍ مراثيم الخشوم= من حسينات التهايا رفيعات القوام
في الجزيره وأل مره لهم فيها قسوم= وقسمهم في الطيب فوق الاشده والسنام
وأل جابر في أل مره لهم معهم اسهوم= حافظينٍ مجد اباه مثل مفظ النظام
بالرجولـه والكرم والشجاعه في اللزوم= والشهامه والمروه تماثل واقتسام
قالها اللي من رجال العوايد والسلوم= عزوة الغلباء زحول المعارك والزحام
لا حصل يومٍ عبوسٍ وهاجم ومهجوم= جالهم في كل هيه تقدم واقتحام
افتخر في عزوتي تاج راسي كل يوم= وكل دارٍ به رجالٍ فعايلهم اجسام
وكان قلتوا بعدها ويش باقي من علوم= اكثر الحضار يعرف اسلوبي كل عام
ودي اهديكم خطابٍ مزرف ومختوم= ما عدى التوقيع وزنه ثلاث مئة جرام
يعرف الطيب بوجهه ولو ما به وسوم= ارتفاعات الشواهق تعديها القتام
والمراجل مثل بحرٍ يبي سباح عوم= ما يفوز بكل عليا قليل الاهتمام
الحرار اللي بسقف السماء الدنياء تحوم= ما تطير الا تلقى صعيبات المهام
وان تلقوا للصعائب قويين العزوم= قيل قبلي ما يفك الحديد الا اللحام
كم صديق في الرخاء في الشدايد ما يقوم= لا زهمته دس راسه مثل راس النعام
رفقةٍ لجل المصالح تراها ما تدوم= خاتمتها مثل نبتٍ تقفاه الصرام
البيوت اللي تبناء ذراء برد وسموم= وكل بيتٍ ما يذري لعله بالهدام
والزمن فيه الحوامل تجيب احيان توم= مير تكلتنا على اللي عيونه ما تنام
يا بن أدم لو تمهّل تراء الاجل محتوم= للقدر ياتيك يومٍ مثل طقة دهام
كان للتوبه مغفره ولحدٍ بمعصوم= خير منها طاعة الله ثباتٍ والتزام
محسنٍ ينفق بماله لسائل ومحروم= خير من شخصٍ يجمع حلالٍ مع حرام
مكسبه منه التعب والمشاكل والهموم= كدّ وابلا لين قنـفّش واخذ ورثه عصام
نسئلك حسن الخواتم وعفوك يا رحوم=رحمتك وازكا التحايا لكم مسك الختام[/poem]

وسلامتكم