( سوق الفحيحيل ) !

..



السلام عليكم ..,


مجرد رآي شاعر لم يتجاوز 19 عام .. (( مرروو الـ انا )) !!




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

الشعر من رب العباد لعبيده=مانختلف لو زادو القال والقيل
حكمه وفيه امور غير وعديده=اما ثناء وافراح ولا غرابيل
شاعر قبل لايمدح يقدم ايده=يخلي الرديان ربع وحلاحيل
وشاعر عن الأمداح نفسه زهيده=يخاف هرجه من خبول ومهابيل
وشاعر يقول:- انا كريم ووليده=وإليا بحثت وشفت ياوي ياويل
وشاعر قطع موس المحبه وريده=سهر وليل وسج رجل ومواويل
واللي يقول اليوم محدٍٍ يجيده=اهياط شيبان وتغطرس مساطيل
العام فيه من القصايد عصيده=واليوم فيه من القصايد تماثيل
صحيح ما انته ياشريّد شريده=لكن كلمة ليل هو عكسها ليل !!
اليوم زاد الشعر واللي يزيده=بنات وفلوس وصحافه وتطبيل
والشاعر اللي نزلوله جريده=تلقاه يفتر وسط ( سوق الفحيحيل ) !
وانا حشمت الشعر وافك قيده=واعن له واتعب على الحط والشيل
إليا كتبت اكتب قصيده فريده=اغرف بحر , وارقا سما , واسرج الخيل
الدرب قدامي وانا رجل سيده=ماشلت همي لليال المقابيل
ياكم تبرالي عقولٍٍ بليده=ويمناي تعقد لي لساني عن الميل
فمنهو يبي فيني يعبي رصيده=قولوله:- يردد / يامطولك يالليل
دخلت للساحه برغبه شديده=ولا اروح منها إلا مأثر على جيل
إن عدت بعد غياب عوده حميده=وإن غبت بعد حضور / بحث ومراسيل
بالشعر انا من دون ربعي قصيده=وبالفعل انا من دون ربعي رياجيل ![/poem]



وسلامتكم