يا بـوي !!

[align=center][img][/img][/align]


[align=center]من القديم ؛؛

اسمحو لها بالمرور 00[/align]

[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا بوي يفداك الرخـوم الردييـن = اللي مشوْ يا بوي درب الضلالـه

مجردين مْن الحيا فالهـم شيـن = معاشرين إبليـس هـاك الحثالـه

مدوّرين علوم وسـط الدواويـن = علاجهم يابـوي زجْـر ورزالـه

بنتك وأشرّف قاصييني والأدنيـن = قصايـدٍ تنقـال فعـل وجـزالـه

أعز ربعي في جميـع المياديـن = وأشوم عن درب الردا والخمالـه

ماهمّني هـرْج وتلفّـاق واشيـن = قلبي وهـذا يابـو خالـد منالـه

الشعر سوّابي سـواة المجانيـن = أصبح وأمسي عايشه في خيالـه

أدوّر الأفراح من ويـن لا ويـن = من عقب فقدان الأمل وارتحالـه

شوف المشاعر يابو خالد مساجين = والقلب ميّت يالغـلا ويـل حالـه

والروح تاهت ضايعه بالعناويـن = والهم قاسي صعب والله احتمالـه

يابوي لا يِزْعلك هرْج الْمْعاديـن = ما دام راسي حي والعـز شالـه

أرْخص لك الخفّاق والروح والعين = لابو طريق الشعر لابـو مجالـه

تكرم وأكرم عن جميـع الردييـن = اللي مشوا يابوي درب الضلالـه[/poem]