حــبـــل الـفـقـــر

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
واعيني اللي تمد الشوف وترده = عن حاجتن لي ولدري كيف احققها
الشوح مرهي وطرق العسر ممتده = والضيق لح الاماني لين فرقها
هابت صدور السعه من مقطع الشده = وازرت صدور السعادة لا تعانقها
عين الطموحات مرموده ومنسده = وعين الأمل حر دمع الصبر حرقها
ومحيط الاحلام موجه كاسرٍ حده = غشا وجيه الشبوح الشهب واغرقها
والوقت ضرفه كفوفه مدميه نده = وقياد جيشه مركزةٍ بيارقها
وطير السعد محتدم ومحزب الهده = وايامه العوب ترهق من يسابقها
كم طامع بجد غرسٍ فد ما جده = واونس على ضلعته مسة مطارقها
مايامن دخيلها من بوقة السده = كل المخاليق تشكي من بوايقها
والصاحب اللي نماري فيه ونعده = الفرصه الطيبه عيا يوافقها
طارت علومه مطير مدور الكده = لا جاء لزومٍ وحبل الفقر خانقها
ودي بعلمٍ وهو وده ولا وده = وشمس النوايا تشع بعين عاشقها
زمت نياشين فزعاته عن البده = وهفت كبار الهقاوي من ترقرقها
وايامنا نسس البنيان وتهده = ولوضاقت صدورماهو مضايقها
هقواتنا في وجيه الخوف مشتده = عقارب ايامها تسبق دقايقها
تسن حد الصبر للضيق وتحده = والضرف يسحب ردونه لين يرهقها
كم فزعةٍ تقفل الموضوع وتلده = فزعة غصيبه ولا ربك موفقها
والناس للناس محتاجه ومحتده = ولا مغتني عن عباده غير خالقها
ولا يفرق الناس مبيضه ومسودة = ياكود محتاجها والا مرافقها
والرجل ما يونس الميلات من ضده = الموت ربعه ليا ثارت بنادقها[/poem]