الشــئ ذمـّه (1)!!

محاوله يائسه جدا جدا لاهي بحول قصيدة ابو عتيق لافي تركيب ولافي توقيفه ...

ولكن ..تقول إن أبو حوّا مسلمني النوبه !


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقول من شـاف له شيخه ووقفـــته = سلام ياللي بـدع وأحكم قوافيها
سلام ياللي حبكت القاف وألــّفته = ياللي تجيب الشوارد من منافيها
أقعدت راسي وبقعا قد تـلاقفته = هـْنا ذواريـّها وهنـا سوافيها
قاريك طربان واللي سمع شنــّـفته = وأنا بأحاول وأشغــّلها وأطفيها
والاّ مجاراك صعب ولو تلاطفته = فالناس تدري بصاحيها وغافيها
عموما الهـرج ركبــته وصففـته = تركيبةً بان غايصها وطافيها
ياعبدربه يا قاضي الشعر شــرفته = بالكلمة الصادقه والحكم قافيها
لا عاد تنشد عن التالف وتـالفته = (إشرب قبل لا يحوس الطين صافيها)
جيل الوسايط تهب من أمس عاصفته = وتهز كتفــينها وتمد كفيها
أطيبهم اللي حبيّبته مصرفته = ويقطم أظلافها ويشـل خفـيّها
وأرداهم اللي فتاة الشر خاطفته = أوكت يداها وكان النفخ من فيها
هو ماعرفها وهي ما هي بعارفته = لكن بكامل تفاصيله يوافيها
من الفضاوه يهاتفها وهاتفته = والخاتمه حط قدره فوق أثافيها
يعني يروح مرقه وتروح هي كفته = الله يبلاه والله لا يعافيها
يقوله اللي بلاوي الوقت حاذفته = مع عالمً روسها تاكل كوافيها !
قومه وطيحه وغير الله ما خفته = وأرقى جبال الدير وآطى فيافيها
وأن ثقل همي بذكر الله خففته = والعالم الصامته ما أبحث خوافيها
ولا ألتفت في المسفسف هو وسفسفته = وأنا أعرف الفارقه وأعرف ملافيها
واليا قصد عبدربّه تاجب اللفته = (والشي ذمه وأنا ماني بمهفيها )
(والشعر لن كان مافي النصح وظفته = قصايد العشق والله ما ألتفت فيها)
بيتً مناسب من الشاعر تسلفته = معنــىً منقـــّى وتركيبه مصفيــّها
شف محتوى العلم لا تحكم على أغلفته = أغلفتــه تودها كنـــّك تجافيها
هرجً هرجته ووالله ما تكـلفته = سوالفي بس أوازنها وأقفـّيـها[/poem]