((( همــــ المشاعر ــــــس )))

السلام عليكم أحبتي فرسان المرقاب ...........

أعلم علم اليقين بأني لن أجاري شموخ الكثير هنا من نجوم الحرف والنزف ...... ولكن عزائي بمصافحتكم لهذه (( الحوارية المتواضعة )) من وحي الخيال ............


[poet font="Simplified Arabic,6,purple,normal,normal" bkcolor="transparent" bkimage="backgrounds/1.gif" border="none,4,gray" type=3 line=200% align=center use=ex length=0 char="" num="0,black" filter=""]
قالت : أبيك !!! وقلت :أنا الّي على نار = لكنّي أخفي ما اندفع من حنيني ...

قالت : تبيني ؟؟؟ قلت : مولَع ومحتار = واخاف لو صرّحت لك تِحرجيني ...

قالت : من أوّل ؟؟؟ قلت : تصريف الاقدار = من يوم عينك شاغلت شوف عيني

قالت : هويت ؟؟؟ قلت : هاويك باقرار = واهوى جروحي فيك .... لو تجرحيني

قالت : أنا ؟؟؟؟ قلت : أنتي العمر لو جار = وانتي الغرام الّي يطفي حنيني

قالت : هو الحظ ؟؟؟؟ قلت دانة وبحّار = إمّا ملكتك .... أو معك تغرقيني

قالت : تصدِّق ؟؟؟؟ قلت : من غير ما اختار = أصدقك ........ من غير ما تقنعيني

قالت : أبوح ؟؟؟ وقلت : يلهمني أشعار = بوحك يعيِّشني غوالي سنيني

قالت : أكيد ؟؟؟ وقلت : لابدّ باصرار = خليني أعرف وين قلبك .... وويني ؟؟

قالت : بعمري ... قلت : تفداك الاعمار = قالت : بقلبي .... قلت كلِّي املكيني

قالت : تعاهد ؟؟؟ قلت انا العاشق البارّ = ودامي ضنينك .... فانت والله ضنيني

وتنهّدت .... وعيونها تنطق أسرار = قريتها ما بين روحي .... وبيني

قالت : اجيك ؟؟؟ وقلت : يا نور من زار = مع جيّتك ...... كل السعادة تجيني

قالت : ايدينك .... قلت خوذيني سوار = وحطّت يديها ... رعشةٍ في يديني

قلت : الحكي خلّيه يا شمعة الدار = أنا افهمك قبل الحكي ...... صدقيني ...

=================================

تقبلوا فيض ودي = أخوكم / عبدالله الحبيشي العمرو


[/poet]