00شاعر العرب00علي سالم

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
معذور محداً قام يقدر يكلمك=الله يعيينك عقب ماصرت مشهور

الناس مشغلتك والانيب لايمك=من كثر مالك ياكحيلان جمهور

لكن على كلاً عسى الله يسلمك=ان فزت ون مافزت شاعر ودكتور

ياعلي والاياجبل من يقاومك=الارض لامن عفتها عودت بور

دائم وفعلك للمعالي يقدمك=وهذي شهادة حق ماقلتها زور

الله يظلم حظ من لايحشمك=وبوك من فعلة مع الناس مخبور

طيب ومن زاد المراجل ملقمك=وطلعت حر وعود القاع ممطور

تفتل حبال الراي محداً يعلمك=ولاترسم احلامك على وعد بلفور

الشعر من صغرك ونضمه ملازمك=الشعر كنه ياعلي فيك مسحور

لامن بغيت تصخرة مايضايمك=تروي به الضميان وتعالج العور

تشرب قراح العد محداً يقاسمك=اقدم وزهب بندقك خلها اثور

ويشم بارود القصايد نسايمك=يجلي ظلام الشعر ويشعشع النور

رسمت في كل الاماكن معالمك=تجي سحاب وتنبت الارض بزهور

ياعلي لو للي حكم والله لاحاكمك=وشلون تحيي فاالصخر نبض وشعور

عذب القصيد وجزلة اللي ينادمك=كنه خلق لك عبد منهي ومامور

لو خانك التصويت مرخى عزايمك=كلاٍ سمع عن عنتر وقصة الثور

مفروض محداً فاالمراكز يزاحمك=الاول انت وعقبك الناس باالدور[/poem]