شكوى الشويّب

[align=center]السلام عليكم ورحمه الله وبركاته


بدون مقدمات



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من نفسٍ كثيرٍ زعلها = يزود فيها الغيض من ضيقه البال
نفسٍ تناساها الزمان وجهلها = حيل الله اقوى من عليه اشكي الحال
شكواي ماكلٍ قدر يحتملها = شكوى ولا يقدر لها كل رجال
مانبدي الشكوى على غير اهلها = هذا مثل واشهد صدق فيه من قال
مايرتكي لحمولها الا جملها = الي ليامنّه برك للحمل شال
والنفس فالخلاّق ماضاع املها = منه الفرج ترجيه لو صبرها طال
الي خلق نفس البنادم كفلها = يجعلّها اسبابٍ ومخرج ومدخال
اليا برمت سود الليالي حيلها = يحلّها من عند واليك حلال
من حط بقعا راحله وارتحلها = يعيش بحزانه مع الهم رحال
اخاف من صمتٍ يسبب عللها = ولا يفجّر داخل القلب زلزال
تعبت ياقلبي وانا اقول شلها = اخاف تدري عن خفاياك الانذال
ابعد عن الانذال تلقى بدلها = ناسٍ لهم في قمّه المجد منزال
حيث ان علمي ينتهي لاوصلها = اقصد رجال الطيب ماضين الافعال
ياقلبي المجروح شكواك قلها = لين الهموم وضيقه البال تنزال
لكن تعلاّ فوق قمّه جبلها = وانحت من حيود الصخر عسر الامثال
لو كان انا نفسي لحقها زملها = مافي يدي حيله ولو جيت بحتال
حالي مثل عود الهشيم بمحلها = يوم السموم تلوفها واشهب اللال
على الذي بالحب روحي نزلها = هاذي ثمان سنين فالروح نزال
راع العيون الناعسه من خجلها = تغضي نظرها ماتناظر بالازوال
ماشاغلت ناسٍ ولااحدٍ شغلها = ولاسولفوا فيها هل القيل والقال
الله على فعل السنين وعملها = راحت على العاشق عذابٍ وغربال
اقفت بها الدنيا سريعٍ عجلها = وحكم الليالي والقدر بيننا حال[/poem]


وسلامتكم

هايف الشويّب[/align]