أبـــوي..

الى روح والدي رحمه الله ..

[poem=font="Simplified Arabic,6,green,bold,italic" bkcolor="transparent" bkimage="" border="groove,8,red" type=2 line=0 align=center use=ex num="0,black"]
الا ياحمام الورق ياللي تجر الصوت = من الحزن جريته وذكرتني غالي
تذكرت من صوتك عزيزٍ خذاه الموت = تذكرت والذكرى خطيره على حالي
ابويه خياله في عروق الحشا منحوت = ثلاثين عام ولااذكره غاب عن بالي
كريمٍ رحومٍ ذكره اصفى من الياقوت=يكفّيني انه لي متخيّرٍ خالي
كريمٍ بوقتٍ يتعب الرجل لاجل القوت= ولو دونه الموت الحمر واشهب اللالي
من اسمه كسبت العز والذل شته شوت= وصيته يحث اخطاي للمرقب العالي
ليا حل ذكره شفت كل الحضور اسكوت= يشد انتباه اللي عن السالفه سالي
اسولف على احفاده وتمسح دموعي (...) =واشوفه حقيقة عين مدري يورّالي
لو ان الدموع اتفيد من عقب فات الفوت = نثرت السحاب اللي من العين همالي
لعله مع اهل الجنه اللي كبار بخوت= مع الانبيا يارب في خير منزالي[/poem]