راع السيوف الصقيلة !!

السلام عليكم ورحمة الله وبركاته

الاخوة الافاضل

متواضعة جداً جداً عساها ان تحوز على بعض من رضاكم واتمنى تمريرها بدون تدقيق

الله الله [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
لاوالله الا زان بدع الطواريق = من عقب مالاحت بروق المخيلة
وانفكت ابوابٍ من اول مغاليق = ولاعاد باقي حاجةٍ مستحيلة
فياهاجسي لاتشكي الهم والضيق = هات الكثيرة في حساب القليلة
تخيّر اللي ينعش البال ويليق = لا انظار واريا من يحب الجزيلة
وارفق شوي ولاتتل المعاليق = خوفٍ لاتكسر شيء باهون وسيلة
فكري تراه يغيّب شوي ويفيق = وكبدي من احداث الليالي عليلة
مانيب عاشق مثل بعض العشاشيق = اللي تلاقوا تحت شجرة ظليلة
واللي شكي من حب بيض الغرانيق = واللي على المرقاب جر الطويلة
واللي لقى بين التوافيق توفيق = واللي يملل فوق جمر المليلة
والمشكلة كلن على غير تبريق = يبذل جهوده والنتايج هزيله
وكل الحقايق ضايعه دون تحقيق = والغمّ غايم مالقى من يزيله
صفقه ولاقت حسن سمعه وتصفيق = واضحى صداها بين فخذ وقبيلة
لكن شوفوا يالرجال المطاليق = حلٍ لـ هالدعوى تراها ثقيلة
اثقل علينا من حصى النير وطويق = وامر فالالسن من الحنظليلة
بالهون والا بالدقاق المطاريق = لين الجمل حمل السنع يرتكي له
والاترانا الصبح مع فكة الريق = نلقى بدال الدار دارٍ بديله
لو كان يربطنا عهود ومواثيق = الصبر طال ولانفعنا حصيله
وحتى ايش يامرزوق تنصح مريزيق = مالك علاه اليا نصحته جميله
دارت وصارت فوق دلة واباريق = وفنجال صينٍ ممتلي زنجبيله
مايشربه غار العياه المطافيق = ويجنبه راع السيوف الصقيله
يشوم ويعدي الجبال الشواهيق = ويتعب ورى جمع العلوم الاصيلة
والمعذرة ماعاد عندي طواريق = ولاشفت براق برق فالمخيلة [/poem]