حيــــــّـــــــــــا عَ/الفلاح

السلام عليكم ورحمة الله وبركاته

عزيزي المرقاب ,,,,

عذراً للغياااااااااااااااااااااااااااااب

مصافحتي بعد الغيااااااااااااااااب


[poem=font="Traditional Arabic,7,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يمتاز حَدّ الجَّد في نفسي على حَدّ المزاح=إنّه إذا شاف البحر راكِد يزعزع ذالرُّكود
هاج البَحر لين ازبَد الامواج يا السِّيْف البَراح=كرّت و فرّت و إستقرّت من تلاطمها حشود
للشْيْش جْيْش اجزل بنَات الفِكْر طوعاً لإجتياح=مواطن الإبداع فـَـ/اسوار الادب في راس طود
عدّيته البَارح قبل لايبتدي نور الصباح=وانا زهابي جُلّ إيماني وذِكرِي فـَ/السُّجُود
وفرائد الالفاظ من صفحات مُختار الصِّحَاح=وحكمة إبن اكثم نصايح صاحبي احمد حمود
حتّى ملكت اروّع قصايد شاعرٍ بالطّيب فاح=هوّن عليه اعسر دروب العِزّ ميقاف الصُّمُود
متجبرٍ بالله ولااسمع في صياح اهل الصياح=اصل الوجيه البارده ماتفلح الا فَـ/البُرُود
وإن كَثْرَو اعداء النّجاح انا حليفك يالنّجاح=حتّى يجي يومٍ تِتَوَّجني أكاليل الوُرُود
يا كبرياء الشّاعر الهَايم بعصر الإنفتاح=يا إلتِحَام احلام رحّالٍ على حَدّ الوجُود
يا انظمة روس الكْبَار من الطَّحَاطِيح الشَّحَاح=ياسلطنة حْكمٍ تربّع في قُرى عاد وثمود
ياجوهر الإدراك في فعل الرِّجَال المستباح=ياعاصفة تسبق حضوري بالمطر برق ورعود
إن كان ما لي خانةٍ فـَ/المجد تنضح بـَ/القراح=ما لي على عذر النِّشَاما قوْل في وقت الجُحُود
هَدَايْفْ إبلي ساع عَشَّت ضايقٍ فيها إمْراح=سَرَت زرافيلٍ على بَرْق الشّمالي ياسعود
دُوْهَا لها الحَادِي ولا لَدَّت لصوته يوم صاح=الين غابت تحت جنح الليل نيَّتها صُدود
ياسعود زَلات العَرب كَثْرَت وبَاح الوقت بَاح=لِعبة غشيمٍ قايمٍ حظّه على ارقام النٌّرود
ياسعود و انت العارف المُختار ياحزّام السِّلاح=شاعر وتعرف في تماثيل العَرب صفّ البنود
قال المثل: تكثر سكاكين الجِمل لامنِه طاح=وأنا ثباتي كَثَّر سيوفٍ على شوفي تزود
قمت آتمثّل و استراح الصّمت و الا مـَ/استراح=نهاية الإنسان موت وياكله فَـ/القَبْر دُود
بعض الرِّجَال إتهِلّ عبراتي عليه إن كان راح=وبعض الرِّجَال ان راح ما وِدّك يجي يوم ويعود
سرّيتها لين اذّن المذّن وحيّا عَ/الفلاح=و الله غفّار الذّنوب ومعمي عيون الحسود[/poem]