حصاة الجبل

الله يمسيكم بالخير جميع

إليكم هذا النص

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياشمس طلي علينا والصحيح امحبوب=المعرفه بيتها لاينهدم بيتها
لوكان شمس الضحى مردها للغروب=شرايد الفكر حدتني وحديتها
ويوم انها ناحرت واستلعبت للعوب=تكلمت لي على الشفره وحييتها
خيرتها من شمال المنطقه للجنوب=جتني تبا التمشيه والصبح مشيتها
اسبل عليها المطر واقفى نسيم الهبوب=كن القريحه تجاريني وجاريتها
لو ان قلب الشقى قد داهمته الخطوب=من يوم حانت صلاة الفرض صلّيتها
في مركب الشعر لي مرسى وكرت وركوب=كم رحلةٍ في محيط الشعر قضيتها
انقد كلامي واحسبه والكلام امحسوب=تغريني النفس بالامجاد واغريتها
اطيح واقوم وان ضاقت وساع الدروب=الكلمه اللي بها الاشكال بديتها
قصيدة الكذب منبعها لسان الكذوب=لو هم يسوونها ماقط سويتها
شعرٍ ملفق واليا غني تقول امغصوب=يا دبل كبدي من الهزله ومن صيتها
تجانفت للخطا وامست عليها العيوب=واهل الفتن عندها تقدح كباريتها
وان كان طال الجدال وجات سحبا سحوب=الحمد لله لاجتني ولا جيتها
هذي حصاة الجبل واللي يتوّب يتوب=ونهاية السالفه فكّرت وانهيتها
ياشمس طلى علينا والصحيح امحبوب=المعرفه بيتها لاينهدم بيتها[/poem]

وسلمتوا...