رمــشــة الــعــيــن ... !!

السلام عليكم ورحمة الله وبركاته


كل عام وانتم بخير جميعا وعساكم من العايدين الفايزين ان شاء الله


تقبلووها كما هي وسامحوني على القصور


*

*

*

*





[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يا محيي حروف القصايد بساتين !! = من نفحة أنفاسك ولمسة يدينك !!
هيضتني .. يا سيد كل المزايين = في مبسمك ..... ولا بطلة جبينك !!
وقهويتني فنجال حبك من سنين = ( والله على الفنجال ... تسلم يمينك !! )
وصلتني والشوق دون البراهين = واضح وما يحتاج بيني وبينك !!
مشاهدك بسمه ولو خاطري شين = بالذات لا من بيّنت وردتينك !!
تدري متاي أندم على رمشة العين !؟ = لا صرت قدامي وعيني بعينك !!
أخاف لا تمشي ولا أدري على وين ؟ = في ردة رموشي على شوف زينك !!
ويضيع وقتي عنك يا كامل الزين = وأخسر من عيونك مشاهد حنينك !!
لا تلومني .. والوقت سمّ المحبين !! = مهما تقدم فيه .. ؟ ما سدّ دينك !!
هذا أنت عندي مير بكره .. وبعدين ؟ = والله مدري وين قلبي ووينك !!
من غبت حطيت ( الهوى ) بين قوسين !! = لا من ضمنت القلب مضمن سنينك !![/poem]



وسلامتكم ...