المَـــــــــــــاء الثـَّـقـِـيل

السلام عليكم ورحمة الله وبركاته

وكل عام وانتم بخير


مشاركة اتمنى ان تقبولها


[poem=font="Traditional Arabic,7,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]


مَابْين حِطْ وْشِيْل يَاجَمَّال مَا حَطّْيْت شِيْل=تأبَى الحْمُول الكَايْدة لاصِرِت شَاعِر نَحَوِّي

الجَهْل يَهدِم لِه بْيُوْت الا انْت بْيْتِك مَا يْمِيْل=سَاسِه قِدِيْم وْمَيِّزَه مِثْل الطِّرَاز الأمَوِّي

تَرْسِي مِثْل شُمّ الجِبَال الرَّاسِيَات ان سَال سْيْل=مِنْ ثِقْلَهَا يَثْبَت بَهَا كَوْكَب الارْضْ الكَرَوِّي

وَالمَاقف الغَصّاب تَرْجْح فِيه بالفِعل الجِزِيْل=عَلى العِدا سِمّْ ومَعَ الإخوَان فِعلك اخَوِّي

وإن جِيت اطَالِع في عْلوْمك مَالِقيت إلا جِمِيِل=و أتْصفَحِك و القَاك مُعْجَم يَالكِتَاب السَّبَوِّي

واتْنَفَسِك وآعِيْش عُمْرٍ لاقِصِيْر ولاطِوِيْل=وتْرُوْح فِي دَاخِل عْرُوْقِي مَعْ هَوَاي الرِّئَوِّي

يَاصَاحْبِي يَجْرِي بْدَمِّي شَيْ كَالمَاء الثَّقِيل=أَثَّرْ عَلَى تَرْكِيْبِي الذّرِي وحِمْضِي النَّوَوِّي

تَفَاعْلْه وَلَّد لَهَبْ نَارٍ مَهِي نَارَ الفِتِيْل=مَا قَاسَهَا الثِرْمُوْمِتِر عَلَى القِيَاس المِئَوِّي

صَابِر وْكنّي مِنْ صَحَى صُبْحَه لِقَا إِبْنَه قِتِيْل=تَدْمَع عْيُونْه وإِنْكِسَر فِيْه الشُّعُور الأبَوِّي

يَذْكر وصُوفه لا ضَحَك يَلعَب عَلَى حِضْن وشِلِيْل=يْمُوْت لَكنّ عَايْشٍ فِيْه الشُّعُور الحَيَوِّي

سَاعاَت اسُوْلِف لِي عَلَى نَفْسِي إِذَا طَالْ الرَّحِيْل=وْسَاعَات احِسْ الذَّنْب ذَنْبِي كِل مَ/افْقِد لِي خَوِّي

وَ آضِيْق لاصِبْت الهَدَف وْ مَآفَارَقِك يَا اغْلَى خَلِيْل=قِدَرْ وْلَكنِّي احِسْ إحْسَاسْ آخَر ثَنَوِّي

صَبّيْت نَفْسي فِي غَيَاهِب صُوْت فِرْسَان وْصَهِيْل=نِكْرَانْ وَقْتٍ سَاعِتْه تَطْوِي عَلَى وَقْتِي طَوِّي

العُمْر سَافَرْ وَ الشُّجَاع يْصِيْر فِي حُكْمْ الدِّخِيْل=وَالحَال ثَابِت مِسْتِقرٍ كَالمَدَار السَّنّوِّي

وَالنَّاس لَوْ تَعْرِف مُعَانَاة الدِّلال إن فَاحْ هْيْل=مَاتَشْرَب الفِنْجَال بَعْد النَّار مَاتَشْبَع شَوِّي

وَالذِّيْب حَظِّه لِيلٍ مْسَرْمَد وْلَو حَظِّه قِلِيْل=يْطُوْل وَقْتْه فِي لِيْالْ البَرْد يَقْنِب وِيْعَوِّي

وَالَّليْل طَال وْ رُوْح يَاليْلٍ يِجِي بَعْدِك دِلِيْل=وْإِتْرِك بِقَايَا لُوْنِك الاسْوَّد تَرَى حَالِي سَوِّي

وانَا وْكِيْلِي رَبّي الِلي مَامَعْي غِيْرَه وِكِيْل=مُؤمِن بِمَا انْزَل وْ مُؤمِن بَ/الصَّحِيْح النَّبَوّي

وإن قِلْت حِطْ وْشِيْل يَاجَمَّال شِيْل الِلي تْشِيْل=وْ إِتْرِك حْمُولٍ شَالَهَا مْتْنِي وْتَلْوِيْنِي لَوِّي[/poem]