مسجد العباس

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من مسجد العباس شرق ٍ تماما = حوش ٍ توطن به جموع ٍ من الناس
حوش ٍ توطن فيه ناس ٍ كراما = جابتهم الاقدار من كل الاجناس
مني على اللي ساكنينه سلاما = سلام من روحي وقلبي والانفاس
سلام ٍ احلى من لذيذ الطعاما = واغلى من الياقوت واغلى من الماس
عداد ما ناحت سروب الحماما= وعداد ما ذعذع من النود نسناس
حوش ٍ عسى يسقيه وبل الغماما = حتى من النبت الخضر يلبس لباس
عساه يكسيه النفل والخزامى = اللي تعم اقصاه وادناه والساس
ويحظى من المولى بكل اهتماما = ويحرس من الرحمن من غير حراس
حيث ان به ناس ٍ عليه حشاما = وفراقهم زود على القلب هوجاس
ومن عقبهم عيني جفاها المناما= ما تهتني مع هجعة الناس بنعاس
تسهر وحدها والخلايق نياما = وتجود بالعبرات من غير مقياس
ودموعها تسقي ظوام ٍ حياما = وتسقي الفياض مع الفيافي والاطعاس [/poem]