معـروف الرصـافي !

رد عابر على رساله معتبره

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياهجوسي ياهجوسي هجرسي والقاف قافي = موقفي غصاب والشاعر متاريسه لحونه
ماجذبني للقصيد إلا مراسيل السنافي = خالد الحربي يحبك القاف والمعنى يصونه
أرحب أرحب يالجميلي بالميات وبالألافي = ومرحبا بالقاف واللي في مخابيه وردونه
وأبشر أبشر بالدوا اللي ضامنه شافي وكافي = فيه طعم الزنجبيل وفيه ريح الزيزفونه
ينقله صوبك نديب" مايخاف ولايحافي = وان تمثنى أمن الطرق ماصفـّطوه يخالفونه
يقطع الفرجه على رجله وسيقانه صخافي = والحجر قدام قلبه من مزاياه الليونه
يانديبي صوب خالد إتجه له وأنت حافي = وأن نشد وش فيك حافي قله النفس مغبونه
من تشتات الثقال ومن تفلات الخفافي = ومن بعير المهرجان ومن وراه يمهرجونه
ومن تمطراق السمان ومن تعملاق الضعافي = ومن مزابير الطعوس ومن مصابيح المدونه
يالجميلي مركب الربان فوق اليم طافي = والهبايب تلفحنه والسواحل يلحقونه
والكلام اللي عليه إثبات ماينفيه نافي = إنتبه له زين ياخالد وميز ويش لونه
ماعرفت من الرصافه كود معروف الرصافي = والبلا إن أهل الرصافه كلبوهم يمدحونه!
أول سنينه سمان وتالي سنينه عجافي = بارقه لماع لكن مابعد هلت مزونه
أما أنا ياخالد إسمح لي ويبرد كل دافي = لاتوهقني بقول الوعل هاته من قرونه
ماعلي من المراكب والمواني والمرافي = الثمين يصدرونه والرخيص يوردونه
وماعلي من البشوت وماعلي من الكوافي = الجرايم في زمنا مثل قولة والمعونه
المنايا تو عيني والمطايا من خلافي = والهدف عيني وراه وعين أبو روحين دونه
أدري الدكتور يمرض بالزكام وبالنكافي = بس مدري منهم اللي بالعلاج يعالجونه
ولو سنون الشيخ عايض شفتها ماهي نظافي = مانشدت الشيخ عايض ليه ماسوك سنونه
خلها تمشي قبلها لايجي فيها إلتفافي = معجونه ومخبوزه ومخبوزه ومعجونه
أولتها الليت والع وآخرتها الليت طافي = وكل رجال" يجرب لاسرى قوة عيونه
مابقى إلا عفاك ياخالد وأنا ماشاب قافي = بس راسي شاب وصكوك الزمن تخلف ظنونه![/poem]