آهـــات x وجـــد

السلام علبكم ورحمة الله وبركاته ..


مساكم الله بالخير جميعا ..

قمت بارسال هذه القصيده الى الغاليه وجـــد ..

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياوجد ماعندتس علاج(ن) للأشواق=لاصار شوقي مايراعي ظروفي
ياوجد يسهر خافق(ن) حيل تواق=والدمع يجري وماتسده كفوفي
ياوجد والذكرى على رجل(ن) وساق=فزت ولا راعت من الناس خوفي
ياوجد كني يم قبري له انساق=كل ماطرالي حاربتني سيوفي
وش حيلتي ياوجد والقلب مشتاق=والهم وأحزاني بليلي ضيوفي
ياوجد ليت الصبر ينباع باسواق=لاشريه لو انه يباع بألوفي
مير البخت ماياتي ياوجد بوفاق=دايم يشب النار في وسط جوفي
ياوجد يطريلي ويطريلي فراق=واصرخ بذكرى البعد بالله روفي
عزي لحالي من بعد حضنة عناق=تم الفراق وراح وياه شوفي
انا احسب ان البعد هين وينطاق=واثره صعيبن ماتجيبه حروفي
ياوجد من قسوة فراقه والاشواق=ماعاد تفرق لو خذتني حتوفي[/poem]


فشرفتني بالرد بهذه القصيده ..

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أهلا هلا اعداد ما لاح برّاق=مزنٍ تهامل بالبرد والقنوفي
واعداد دمعٍ منبعه ذيك الأحداق=واعداد من ضحّا بذبح الخروفي
يا مرحبا يا آهات والصبح ما فاق=والجرح باقي بالضماير يحوفي
قبلتس شكيت البعد وأحرقنِ إحراق=يلوف قلبي من سبايبه لوفي
أصبح وامسي دمع الأعيان دفّاق=لا شارقه شمسي ولا هي كسوفي
أبعد وكنّه ضاربٍ قلبي طراق=شانت حياتي عقب حمل الكتوفي
يمر طيفه والغلا حيل سبّاق=يضرب تحيّه والمشاعر وقوفي
مير الحبرمسجون من غير الأوراق=ما تطلقه قيفان جتني صفوفي
والحظ لو صاحَبْه قلٍ مع إخفاق=لابد من يومٍ يشوم وينوفي
إدعي إلاهتس كل ما خاطرتس ضاق=يحميتس من شر الزمن والصدوفي
والغايب اللي زلزل أعماق وأعماق=لا تآمنينه لو ظرا بالحلوفي
من راح من كيفه عساه ألف طقاق=فرقاه يا آهات ماهي حسوفي[/poem]


وسلامتكم

تحيتي للجميع