عذر الدجاجه مالها مخلب ولا تملك سنون

المشاركة الأصلية كتبت بواسطة عبدالرحمن المرخان

بدون مقدمات 00عندما تكون الصور هي خير مقدمه 00وكل عام وانتم بخير جميعا




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

حلفت بعد اليوم مامدح في قصيدي من يكون =الا الشجاع اللي يدافع عن فلسطين امدحه
دام العرب يمسون في ذل وهوان ويصبحون =الواجب ارجع للقصيد اللي مضالي وامسحه
كل يوم سيل الدم يسقي المشمشه والزيزفون = مات البلح بامه وصاح الجذع من موت ابلحه
ماكل خلق الله بسوق اهل المراجل يربحون = ومن لا يحسّب للخساره ما يحسّب مربحه
دمعة رجل 00 دمعة طفل 00 من كل صنف وكل لون =والثوب يستر راقصه 00 والشيخ بشته يفضحه
ما شفتو اللي صار في غزه يامل فضخ العيون ؟ ! = والقدس تصرخ 00 والقصور قبور00 والدور أضرحه
عذر الدجاجه مالها مخلب ولا تملك سنون = مير البلا وش عذر جيش الذل وعذر الاسلحه ؟!
ظهر الرجل مايكسره غير الطلايب والديون = لا والله اللي يكسرالرجال كثر الدلبحه
يوم الهداني مالقى لبضاعته عندي زبون = دمه جمد 00ماعاد ينزف لو بخنجر تذبحه
حتى مربين البقر يتمصخرون ويرسمون = يكرم نبي الله عن الكفار ويكرم مشلحه
ما يردع المجرم شجب فاضي ولا تستنكرون =هجرس مثل سرحان وكب البحبحه والنحنحه
واشوف ناس ٍ يحصدون الزرع وهم مايزرعون = والساقط اللي ما درس سبحان منهو نجّحه

والصمت ماهو من ذهب00 يا لابتي لا تسكتون = والحر كانه ما كفخ ماله ومال الأجنحه
لايكشخ الحر النداوي بالجناح وبالمتون = مادام حتى فندق البطحا كشخ له باجنحه
نشكي وقاضي المحكمه يشكي مع اللي يشتكون = تساوت العربان راع الناي وراع المسبحه
تلقح وتلد حوارها 00 والبدو بدو ويعرفون =مير البلا نوق العرب كل يوم حبلى ولقحه
هذا وانا شاعر ولد شاعر وغيري لا يهون = ذيب المعاني يعوي برجم القوافي واطرحه

فعلا على راي المثل 00 والشعر ضرب من الجنون = وجيوش فكري ممسيات ٍ (ن ) بالعرب ومصبّحه
شنقت راس الذل وارسلته إلى قبر المجون = واقمت حفلة شعري الشامخ بقلب المذبحه
مامات خالد بالحرايب والضرايب والطعون = سيف الله المسلول خالد مات فوق المطرحه
ماجيت ابكتب شعر فاضي في كحيلات الجفون =بالعمر هذا مالي فبعض السوالف مصلحه

وسلامتكم[/poem]
وسلامتكم 00

صح لسانك


صح لسانك


ابدعت


ياعبدالرحمن


لله درك


اخووك