مــا لــلـــذيـــابــه ســـور !!!!

بسم الله الرحمن الرحيم

السلام عليكم ورحمة الله وبركاته

اخواني الوافين واهل الشعر الجزل

في مرقاب الشعر الجزل واهله ،

اسعد الله كل اوقاتكم بكل خير،،

هذه ابيات ليست جديدة وانما للتواصل

معكم ،، امل ان تحوز على رضاكم ..


[poem=font="Arial,5,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
محتار يالخاطر _ من الحيرة مجار = عقب التعب ماجور _ يفداك تعبي
خلك معي عاذر_وانا اقبل بالعذار = معذر وانا معذور _ وإرض المكسبي
ياخاطر ٍ صابر_ ولو ذاق المرار = وانا اتبعه مجبور _ وارقى المرقبي
له مطلب ٍ عاسر_وعرضنا العسار = ابذل له المقدور _ وارجي مطلبي
واليوم ياساير_ولا اعرف لك مسار= من وقتك الميسور_ ضفه واجنبي
لا انته بلا قادر _ ولامعي اقتدار = وقتك عيونه عور _ وانت مجربي
ازريت انا اساير– واشوف الوقت جار= لو الجمال صبور_ حمله متعبي
ماقيل لي غادر_ ولاقد قيل بار = ولاارفع عن المستور – من تحت العبي
اشاطر الشاطر _ على قدر أوّقار = وافي عهد مابور – عهد ولا اكذبي
ولي رمية الماهر _ ولا اخطي في العيار= وان حطو الناعور_ زان المشربي
ماخاب من شاور _ وندم من استخار = اخلص رضا وسرور_ لو ماهو نبي
ياطامع الشاهر _ عقب ماالوقت دار = ماللذيابه سور _ وافهم ياغبي
ياوقتنا العاثر _ هرج فيك الحمار= والظلم ساكن دور _ والعدل اجنبي
ميزت في الحاضر _ وماض ٍ كيف صار = اثر السنين تدور _ والوقت اشهبي
جيت البلد زاير – وطولت المزار = واليوم فوق الكور _ شلت المزهبي
اشفيتو الناظر _ كرم ياهل الديار = لاتكثرون الشور – يبدى المغتبي
عسى البلد عامر – ويزهاه الخضار = لين الخبل والثور _ يلقى مايبي
وان طعتو الشاير_ عليكم يوم شار = شوفو لكم دكتور _ يبري الاجربي
ياطير ماتاكر_ على روس الصغار =ماكرك عال القور _ حر ٍ يعربي
ماياصله قاصر- ولامارا قصار = عنه العيون الغور _ تبعد وتهبي [/poem]

وسلامتكم ’’’